Bakıda ağacların kökündən çıxarılması ilə bağlı icra hakimiyyətindən AÇIQLAMA - YENİLƏNİB + FOTO/VİDEO

Səbail Rayon İcra Hakimiyyəti rayon ərazisində yol kənarındakı ağacların kəsilməsi xəbərlərinə münasibət bildirib.

Qurumdan Oxu.Az-ın sorğusuna cavab olaraq bildirilib ki, sözügedən ünvanda ağacların kəsilməsi Ekologiya və Təbii Sərvətlər Nazirliyinin rəyi əsasında həyata keçirilib:

"Belə ki, ərazidə iki irigövdəli ağac güclü külək səbəbindən bir neçə gün öncə aşıb. Ağac yolun hərəkət istiqamətinə aşdığı üçün onun budaqlarını baltalayaraq yolun kənarına atıblar. Daha üç ağac isə quruyub. Bu barədə Ekologiya və Təbii Sərvətlər Nazirliyinin verdiyi müvafiq rəy əsasında həmin ağaclar kəsilib".
11:07

Paytaxtın Səbail rayonu ərazisində yol kənarındakı ağacların kəsilməsi ilə bağlı fakt təsdiqini tapıb.

Bu barədə Oxu.Az-ın sorğusuna cavab olaraq Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova məlumat verib.

O bildirib ki, qurumun əməkdaşları tərəfindən aparılan araşdırma zamanı sözügedən ünvanda üç ağacın kökündən çıxarıldığı müəyyən edilib:

"Hazırda araşdırma davam etdirilir".
10:00

Bakıda yolu genişləndirmək üçün ağacların kəsildiyi iddia edilir.

Bu barədə məlumat sosial şəbəkədə paylaşılıb.

Belə ki, söhbət paytaxtın Qurban Abbasov küçəsindən gedir.

Vətəndaş bildirib ki, sözügedən ünvanda avtomobil yolunun genişləndirilməsi üçün ağaclar köçürülür.

Yayılan video ağaclara ziyan vurulduğu aydın görünür.

Məsələ ilə bağlı Ekologiya və Təbii Sərvətlər Nazirliyinə sorğu ünvanladıq.

Nazirlikdən Oxu.Az-ın sorğusuna cavab olaraq bildirilib ki, sosial şəbəkədə yayılan görüntülərlə bağlı araşdırma aparılır.

Həmin görüntüləri təqdim edirik:

Telegramda izləyin