Sabirabadda oğlan istədiyi qızın ailəsini ölümlə hədələdi

Sabirabadda oğlan istədiyi qızın ailəsini ölümlə hədələyib.

Bu barədə Daxili İşlər Nazirliyinin (DİN) Mətbuat Xidməti məlumat yayıb.

Bildirilib ki, Sabirabad Rayon Polis Şöbəsinə müraciət edən rayon sakini olan bir qadın qızının sosial şəbəkədə tanış olduğu oğlanla getdiyini, lakin sonradan yaşadığı evə qayıtdığını, habelə həmin oğlanın qızın onunla getməyəcəyi təqdirdə onları öldürəcəyi və yaşadıqları evi yandıracağı ilə hədələdiyini bildirib.

Polis əməkdaşlarının keçirdikləri əməliyyat-axtarış tədbirləri nəticəsində bu əməli törətməkdə şübhəli bilinən Abşeron rayon sakini E.Zamanov müəyyən edilərək saxlanılıb.

Onun yaşadığı evə baxış zamanı oradan pnevmatik tapança, bir ədəd patron darağı və 15 ədəd patron aşkar olunaraq götürülüb.

Faktla bağlı araşdırma aparılır.

Telegramda izləyin