"Qarabağ"ın prezidenti: "Azərbaycana yaraşan futbol oynadıq"

"Qarabağ"ın prezidenti: "Azərbaycana yaraşan futbol oynadıq""Qarabağ"a və Azərbaycana yaraşan futbol oynadıq. Biz səfərdən möhtəşəm qələbə ilə qayıtdıq. Fəxr edirik və çox sevinirik".

"Report"un məlumatına görə, bunu "Qarabağ"ın prezidenti Tahir Gözəl UEFA Çempionlar Liqasının III təsnifat mərhələsində Macarıstanda "Ferenstvaroş"u 3:1 hesabı ilə məğlub etdikləri cavab oyunundan sonra Heydər Əliyev Beynəlxalq Hava Limanında jurnalistlərə açıqlamasında deyib.

Funksioner artıq pley-off mərhələsində Çexiyanın "Viktoriya" (Plzen) klubu ilə görüşlərə köklənəcəklərini bildirib:

"Bir həftə sonra rəqib Bakıya gələcək. Avqustun 23-də cavab qarşılaşması gerçəkləşəcək. Bu, mənim doğum günümə təsadüf edir. Mən də həmin vaxt səfərdə olacağam. Məncə, bu, tarixin ən güclü "Qarabağ"ıdır. Kadi Borges və Riçard Almeydanın cavab görüşündə iştirak etməsi bizə çox köməklik etdi. İnanıram ki, "Qarabağ" qarşıdakı oyunlarda da bizi sevindirəcək".

Klub rəhbəri rəqibin prezidenti Qabor Kubatovun matçdan sonrakı fikirlərinə də toxunub:

"O söylədi ki, bizdən daha güclü olan komandaya uduzduq. Onu çox təqdir etdim".

Tahir Gözəl "Qarabağ"ın adının Avropada və dünyada tanındığını söyləyib:

"Səfərə çıxanda və "Qarabağ"ın prezidentiyəm deyəndə bizi tanıyırlar. İtaliyada restoranda dedilər ki, "Roma" ilə görüşümüzü xatırlayırlar. Artıq "Qarabağ" tanınan brenddir. Bunun üçün fəxr edirəm. Daim diqqət mərkəzindəyik və oyunçularımıza da tələbat var".

O, hədəflərinin növbəti dəfə Çempionlar Liqasının qrup mərhələsində çıxış etmək olduğunu diqqətə çatdırıb:

"Bizim məqsədimiz "Qarabağ"ın adını, ölkəmizi böyük şərəflə dünyada tanıtmaqdır. Çempionlar Liqasındakı oyunlar maddi cəhətdən də "Qarabağ"a çox köməklik edir. Bildiyiniz kimi, klubun öz gəliri yoxdur. Ən böyük sponsoru "Azersun Holding"in sayəsində buralara gəlib. Avrokuboklar "Qarabağ"ın gələcəyi üçün çox önəmlidir. Hər şey göstərir ki, biz doğru yoldayıq".

T. Gözəl bəzi xarici klubların onlardan stabilliyin sirlərini soruşduğunu deyib:

"14 il eyni baş məşqçi ilə yola davam etmək rekorddur. Mənim onlara cavabım odur ki, "Qarabağ"ın özünəməxsus hekayəsi var. Bu klub özünü göstərmək istəyən, pul qazanmaq haqqında fikirləşən prezidentdən və futbolçulardan ibarət deyil. "Qarabağ"ın hekayəsi hamımıza ilham verir. "Qarabağ" adı bizə böyük məsuliyyət verir. "Ferenstvaroş"un azarkeşi oyundan sonra mənə dedi ki, "Qarabağ"da güc var idi. Siz həmin işıq və motivasiya hesabına qalib gəldiniz".

"Köhlən atlar"ın rəhbəri pley-offdakı rəqiblərinin də güclü olduğunu söyləyib:

"Qarabağ" çox cəsarətli oyun sərgiləyir. Hesab edirəm ki, pley-offda da öz bacarığımızı göstərəcəyik. Klubumuza inanıram".


Sonxeber.az Telegramda izləyin instagramda izləyin
İdman   Baxılıb: 583   Tarix: 10 avqust 2022  

Şikayətiniz varsa Whatsapp: 051 7028255

Facebookda Paylaş


Ustalar.az ustalar sayti

DİGƏR MARAQLI XƏBƏRLƏR

Qaçış iştirakçısı yarışdan sonra öldü - VİDEO

Yekaterinburq sakini İlyas Malenkov Avropa-Asiya qaçış yarışı zamanı ölüb. " "-a istinadən xəbər verir ki, 37 yaşlı kişi 10 kilometr qaçmalı olsa da, cəmi 8,5 kilometr qət edə bilib. Üçüncü keçiddən sonra onun halı pisləşib. Hadisə yerinə təcili tibbi yardım maşını gəlib. Həvəskar qaçışçını

9 avqust 2022

Prezident: "İlk dəfə olaraq Azərbaycan idmançıları V İslam Həmrəyliyi Oyunlarında qalib ölkəni təmsil edəcək"

"İlk dəfə olaraq Azərbaycan idmançıları V İslam Həmrəyliyi Oyunlarında qalib ölkəni təmsil edəcəklər. Bu, hamımız üçün böyük qürurverici hadisədir". Bu fikirləri Prezident İlham Əliyev avqustun 9-da Türkiyənin Konya şəhərində keçirilən V İslam Həmrəyliyi Oyunlarında Azərbaycanı təmsil edə

9 avqust 2022

Prezident İlham Əliyev İslamiadada iştirak edən Azərbaycan idmançılarını təbrik edib

"Bu dəfə də əminəm ki, idmançılarımız gözəl nəticə göstərəcəklər. Artıq bir qızıl medalımız var. Komandanı bu münasibətlə təbrik etmək istəyirəm". "Report"un xəbərinə görə, bu fikirləri Prezident İlham Əliyev avqustun 9-da Türkiyənin Konya şəhərində keçirilən V İslam Həmrəyliyi Oyunlarınd

9 avqust 2022

"Sumqayıt"dan ayrılan futbolçu: "Azərbaycanda ödənişi vaxtında edirlər"

"Maaş baxımından Rusiya Premyer Liqası ilə ancaq "Qarabağ"ı müqayisə etmək olar. Digər klublarda aşağı-yuxarı I divizion səviyyəsində şərtlər təklif edilir. Ancaq orada hər şey stabildir və ödənişi vaxtında edirlər". "Report"un məlumatına görə, bunu "Sumqayıt"da

8 avqust 2022

Cüneyt Çakır hakimliyi buraxdı

Türkiyə Futbol Federasiyasının (TFF) prezidenti Mehmet Büyükekşi FİFA referisi Cüneyt Çakırın gənclərlə işləmək üçün aktiv hakimlik fəaliyyətini dayandırdığını açıqlayıb. -ə istinadən xəbər verir ki, TFF prezidenti bu barədə qatıldığı proqramda danışıb. O bildirib ki, FİFA lisenziyasına malik hakimlərdə

5 avqust 2022

"Neftçi" Azərbaycanın reytinq xalını artırdı

Azərbaycanın UEFA reytinqində xal ehtiyatı artıb. "Qafqazinfo" xəbər verir ki, Konfrans Liqasının üçüncü təsnifat mərhələsinin ilk oyununda "Neftçi" "Rapid"i məğlub etdiyinə görə ölkəmizin aktivinə 0,250 xalı əlavə edilib. Azərbaycan əvvəlki kimi 29-cu sıradadadı

5 avqust 2022

"Neftçi" "Rapid"i məğlub yola saldı - Yenilənib+Video

Azərbaycanı UEFA Konfrans Liqasında təmsil edən "Neftçi" bu gün II təsnifat mərhələsində ilk matçına çıxacaq. "Qafqazinfo" xəbər verir ki, bakılılar doğma azarkeşləri önündə Avstriya "Rapid"ini qəbul edəcək. "Bakcell Arena"da keçiriləcək qarşılaşma saat 21:00-d

4 avqust 2022

Makqreqor kinoda debüt edəcək

Qarışıq döyüş növləri üzrə irlandiyalı ikiqat UFC çempionu Konor Makqreqor aktyor kimi kinoda debüt edəcək. O, "Road House" (1989) filminin remeykində çəkiləcək. Orijinal film bir barda işləməyə dəvət olunan peşəkar mühafizəçidən bəhs edir. Makqreqorun konkret olaraq hansı obrazı oynayacağ

4 avqust 2022

Braziliya klubu Ronalduya elçi düşüb

Braziliyanın "Korintians" futbol klubu "Mançester Yunayted"in hücumçusu Kriştianu Ronaldunu transfer etmək istəyir. Bu açıqlama ilə klubun prezidenti Duilio Monteyro çıxış edib. "Bəli, mən onu bizimlə görmək istərdim. "Korintians" üçün əlimdən gələn hər şeyin yaxşısın

4 avqust 2022