"V İslam Həmrəyliyi Oyunlarının keçirilməsi idman tarixində mühüm hadisədir"-Jalə Əhmədova

Türkiyənin Konya şəhərində keçirilən V İslam Həmrəyliyi Oyunları keçirilir. Konya şəhərində Azərbaycan Prezidenti İlham Əliyevlə Türkiyənin Prezidenti Rəcəb Tayyib Ərdoğan arasında görüş baş tutub.
Bununla bağlı Sonxeber.az-a danışan Milli Məclisin deputatı Jalə Əhmədova bildirib ki, mərasimdə Türkiyə Prezidenti Rəcəb Tayyib Ərdoğanın, Azərbaycan Prezidenti İlham Əliyevin, birinci xanım Mehriban Əliyevanın, həmçinin digər dövlət və hökumət başçılarının iştirak etməsi İslam aləminin birliyini bütün dünyaya nümayiş etdirdi:
"Avqustun 9-da Türkiyənin Konya şəhərində keçirilən V İslam Həmrəyliyi Oyunlarının təntənəli açılış mərasimi bir sıra mühüm məqamlarla yadda qaldı.
Mərasimdə Türkiyə Prezidenti Rəcəb Tayyib Ərdoğanın, Azərbaycan Prezidenti İlham Əliyevin, birinci xanım Mehriban Əliyevanın, həmçinin digər dövlət və hökumət başçılarının iştirak etməsi İslam aləminin birliyini bütün dünyaya nümayiş etdirdi.
Ümumiyyətlə, qeyd etmək lazımdır ki, V İslam Həmrəyliyi Oyunlarının keçirilməsi idman tarixində mühüm hadisədir Tədbir 2021-ci ildə qlobal pandemiya səbəbindən bir il təxirə salınsa da, bu il onun keçirilməsi baş tutdu. Avqustun 18-dək davam edəcək oyunlarda 56 ölkədən 4 mindən çox atlet idmanın 24 növü üzrə 483 medal uğrunda mübarizə aparacaq.
Qeyd edim ki, V İslam Həmrəyliyi Oyunlarının məhz Konyada keçirilməsi təsadüfi deyil. Qədim tarixə malik olan Konya şəhəri həm də İslam sivilizasiyasının mühüm mərkəzlərindən biridir və müxtəlif mədəniyyətlərin bir araya gəldiyi məkandır.
Bundan əvvəl 2017-ci il mayın 12-22-də Bakıda keçirilmiş IV İslam Həmrəyliyi Oyunları da Prezident İlham Əliyevin rəhbərliyi, Birinci vitse-prezident və Təşkilat Komitəsinin sədri Mehriban xanım Əliyevanın fəaliyyəti sayəsində bütün dünyaya İslam aləminin birliyini və həmrəyliyini göstərdi".

Aysel Yusifqızı

Telegramda izləyin

instagramda izləyin