"Vətəndaşların siqaret kötüklərini ətrafa atmaları, biçənəklərə od vurmaları yanğına səbəb oldu" - İradə İbrahimova

İstiqamət: Ekologiya və ətraf mühitin mühafizəsi

Bu yay Azərbaycanda meşə yanğınları çox müşahidə olundu. Meşə yanğınlarını yaradan səbəb nədir və əvvəlcədən bunun qarşısını necə almaq olar?

Bununda bağlı Sonxeber.az-a açıqlama verən Ekologiya və Təbii Sərvətlər Nazirliyinin mətbuat katibi İradə İbrahimova qeyd edib ki, son günlər baş verən yanğın hadisələrində, yenə də əsas insan faktorunun olduğunu gördük. Vətəndaşların odla ehtiyatsız davranışı, söndürülməmiş siqaret kötüklərini ətrafa atmaları, biçənəklərə od vurmaları, tonqal qalamaları yanğınlara səbəb oldu:
"Son günlərdə baş verən yanğınlar hər birimizə sonsuz kədər və ürək ağrısı gətirdi. Yanğın məsələsindən çox narahatıq, hardasa yanğın baş verdikdə bu xəbəri ürək ağrısı ilə qəbul edirik və istəyirik ki, bu narahatlıq, bu həyəcan bütün vətəndaşlarımızda olsun və təbiətə, insanlara ölçüyəgəlməz zərər vuran bu yanğınlardan hər kəs nəticə çıxararaq yanğın təhlükəsizliyi qaydalarına ciddi əməl etsinlər. Hamımız bir nəfər kimi bu həyəcanı, bu narahatlığı hiss edib, davranışlarımızı maksimum dərəcədə ehtiyatlılıq üzərində qurarıqsa, insan etinasızlığından yarana biləcək bu yanğınlardan qurtularıq.
Hər il yanğın qaydalarına əməl olunması ilə bağlı bölgələrdə vətəndaşlarla, fermerlərlə, kənd sakinləri ilə görüşlər təşkil olunur, maarifləndirmə işləri aparılır. Təəssüf ki, son günlər baş verən yanğın hadisələrində, yenə də əsas insan faktorunun olduğunu gördük. Vətəndaşların odla ehtiyatsız davranışı, söndürülməmiş siqaret kötüklərini ətrafa atmaları, biçənəklərə od vurmaları, tonqal qalamaları yanğınlara səbəb oldu.
Gəlin, istidə gecə-gündüz yanğının söndürülməsində fədakarlıq göstərən, həyatları bahasına özlərini oda atan Ekologiya və Təbii Sərvətlər və Fövqəladə Hallar Nazirliklərinin işçilərini, kənd əhalisini, onlara kömək olan hər kəsi düşünək və yanğınlara şərait yaratmayaq."

Material Azərbaycan Respublikasının

dəstəyi ilə hazırlanmışdır.
Şəbnəm Lətifi

Telegramda izləyin