Avropa Liqası: "Qarabağ" "Olimpiakos"u darmadağın etdi - YENİLƏNİB

"Qarabağ" UEFA Avropa Liqasının qrup mərhələsində növbəti oyununu keçirib.

"Qarabağ" G qrupunun III turunda Yunanıstanda "Olimpiakos"un qonağı olub.

"Georgios Karaiskakis" stadionunda qarşılaşma "köhlən atlar"ın 3:0 hesablı qələbəsi ilə başa çatıb.

***00:41

Yunanıstanda "Olimpiakos" və "Qarabağ" arasında keçirilən UEFA Avropa Liqasının qrup mərhələsinin III tur oyununda 3-cü qol vurulub.

Ramil Şeydayev 86-cı dəqiqədə baxımlı zərbə ilə rəqibi növbəti dəfə meydanın mərkəzinə dəvət edib.

***00:37

Yunanıstanda "Olimpiakos" və "Qarabağ" arasında keçirilən UEFA Avropa Liqasının qrup mərhələsinin III tur oyununda 2-ci qo vurulub.

"Qarabağ"dan Marko Veşoviç 82-ci dəqiqədə komandasının üstünlüyünü daha da artırıb.

***00:26

Yunanıstanda "Olimpiakos" və "Qarabağ" arasında keçirilən UEFA Avropa Liqasının qrup mərhələsinin III tur oyununda hesab açılıb.

Ovusu Kvabena 68-ci dəqiqədə Azərbaycan çempionunu önə keçirib.

***00:01

Yunanıstanda "Olimpiakos" və "Qarabağ" arasında keçirilən UEFA Avropa Liqasının qrup mərhələsinin III tur oyununda ikinci hissə başlayıb.

İlk yarıdan sonra hesab açılmayıb.

***23:50

Yunanıstanda "Olimpiakos" və "Qarabağ" arasında keçirilən UEFA Avropa Liqasının qrup mərhələsinin III tur oyununda ilk hissə başa çatıb.

Komandalar fasiləyə qolsuz bərabərliklə yollanıblar.

Qeyd edək ki, 5-ci dəqiqədə Abdullah Zubir rəqibin qapısından top keçirib. Lakin VAR sisteminin müdaxiləsindən sonra Abdullah Zubirə ötürmə verən Leandro Andradenin topu qəbul edərkən oyundankənar vəziyyətdə olduğu məlum olub.

Nəticədə referi qolu hesaba almayıb.

***23:04

Yunanıstanda "Olimpiakos" və "Qarabağ" arasında keçirilən UEFA Avropa Liqasının qrup mərhələsinin III tur oyunu başlayıb.

"Georgios Karaiskakis" stadionunda oynanılan qarşılaşma Bakı vaxtı ilə saat 23:00-da başlayıb.

Matçı Bosniya və Herseqovinadan olan FIFA referisi İrfan Pelto idarə edir./BAKU.WS

Telegramda izləyin