Borrel İran hakimiyyətinə səsləndi: "Edamları dayandırın!"

Dekabrın 9-da Avropa İttifaqının xarici siyasət üzrə komissarı Cozep Borrel açıqlama yayıb.

Bizim.Media "Azad İran" teleqram kanalına istinadən xəbər verir ki, o, İranın xarici işlər naziri Hüseyn Əmir-Abdullahiyan ilə telefon əlaqəsi yaradıb. Danışıq zamanı Aİ nümayəndəsi etirazçıların repressiya və edam edilməsinin dayandırılmasının zəruriliyi, həm də Rusiyanı dəstəkləməsi ilə bağlı Aİ-nin mövqeyini ona çatdırdığını bildirib.

O, tvitində bu haqda yazıb: "Mən (Hüseyn) Əmir-Abdullahiyanla bir neçə mövzu, o cümlədən Möhsün Şekarinin edam edilməsi barədə danışdım".

"Mən ona Avropa Birliyinin mövqeyi barədə məlumat verdim: edamların və repressiyaların dərhal dayandırılması, İran xalqının əsas azadlıqlarına hörmət edilməsi və Rusiyaya hərbi dəstəyə son qoyulması",-deyə Borrel əlavə edib.

Telegramda izləyin