"Siyasi partiyalar haqqında qanun partiyaların fəaliyyətini əngəlləmir" - Razi Nurullayev

İstiqamət: vətəndaş cəmiyyəti, hüquqi dövlət quruculuğu
"Siyasi partiyalar haqqında qanun ayrı-ayrı partiyaların və şəxslərin fəaliyyətinin məhdudlaşdırlmasına yönəlmir. Təəssüf edirəm ki, ayrı-ayrı siyasi qurumlar və şəxslər qanun üzərinə kölgə salmaq istəyir. Digər tərəfdən, ölkəmiz qarşısında ciddi çağırışlar var və gərək bunu da nəzərə alaq. Bununla bərabər, partiyaların maliyyələşməsinə yeni yanaşmalar var ki, bu da partiyalara stimul verəcək".

Bu sözləri Milli Məclisin deputatı Razi Nurullayev Sonxeber.az-a siyasi partiyalar haqqında qanun layihəsi haqqında danışarkən deyib.

Deputat həmçinin bildirib ki, son zamanlar siyasi partiyalarla iqtidar arasında dialoq mühiti yaranıb və nəticəsində siyasi partiyaların qərarvermə məsələlərinə təsiri də yüksəlib:

"Siyasi partiyalar haqqında qanun yeni çağırışlara cavab verir və siyasi partiyaların fəaliyyətini əngəlləmir. Onsuz da neçə illər siyasi partiyalar haqqında qanunun dəyişdirilməsini tələb edirdik. Mitinqlərdə belə bu tələb tez-tez səslənirdi. Bu gün də qanunun dəyişməsi labüddür və lazımdır. Həm də son zamanlar siyasi partiyalarla iqtidar arasında dialoq mühiti yaranıb və nəticəsində siyasi partiyaların qərarvermə məsələlərinə təsiri də yüksəlib.

Qeyd etməliyəm ki, bu qanun ayrı-ayrı partiyaların və şəxslərin fəaliyyətinin məhdudlaşdırlmasına yönəlmir. Təəssüf edirəm ki, ayrı-ayrı siyasi qurumlar və şəxslər qanun üzərinə kölgə salmaq istəyir. Digər tərəfdən, ölkəmiz qarşısında ciddi çağırışlar var və gərək bunu da nəzərə alaq. Bununla bərabər, partiyaların maliyyələşməsinə yeni yanaşmalar var ki, bu da partiyalara stimul verəcək.

Qanun Milli Məclisdə ictimai müzakirəyə də çıxarılıb. Tədbirdə 40- yaxın siyasi partiya rəhbəri, 20-yə yaxın Milli Məclisin deputatı və parlamentin iki vitse spikeri iştirak edib və bu, özlüyündə çox vacib bir məsələdir. Orada iştirak edən partiyaların çoxu heç Milli Məclisin binasında olmamışdı. Müsbət haldır ki, o partiyalar da parlamenti içdən gördülər, deputatların iş mexanizmini gördülər. O cümlədən, parlament binasında çox ciddi, dinamik müzakirə getdi. Sərt tənqidlər səsləndirildi, çox xoş sözlər deyildi, təkliflər verildi. Bu müzakirə, həm də Azərbaycanda siyasi plüralizmin inkişafına dəstək vermiş oldu və siyasi partiyaların öz arasında fikir formalaşdırdı ki, doğrudan da Azərbaycanda müsbətə gedən siyasi proseslər var. Bu qanun layihəsi siyasi proseslərin daha da dərinləşməsinə vətandaşların siyasi proseslərə qoşulması üçün şərait yaradır.
Siyasi partiyalar üçün imkan yarandı ki, qərar verənlərin iştirakı ilə təkliflərini verməklə prosesə daha yaxşı töhfə versinlər. Amma kənarda qalmaqla faydalı olmadılar. Onlar üçün bu qanun partiyaların bağlanması anlamına gəlir. Necə olur ki, müzakirəyə qatılan partiyalar üçün bu bağlanma anlamına gəlmir, amma bir neçə partiya üçün bağlanma anlamına gəlir? Bu, düzgün yanaşma deyil.
Özünü bu cür fərqləndirməyi də doğru hesab etmirəm. Hesab edirəm ki, bütün proseslərdə iştirakçı olmaq daha sərfəli, daha faydalıdır, kənarda dayanıb sosial şəbəkədən, öz profilindən ayrıca danışmaq heç də prosesdə iştirak deyildir".
Material Azərbaycan Respublikasının

dəstəyi ilə hazırlanmışdır.
Şəbnəm Lətifi

Telegramda izləyin