"COP29-un Azərbaycanda keçirilməsi ölkəmizin beynəlxalq nüfuzunu ciddi şəkildə artırdı" - POLİTOLOQ

"COP29-un Azərbaycanda keçirilməsi rəsmi Bakının böyük, siyasi, diplomatik uğurudur. Çünki bütün dünya gördü ki, Azərbaycan belə önəmli beynəlxalq tədbiri yüksək səviyyədə keçirmək imkanlarına və potensiyalına malikdir. Eyni zamanda COP29 qəbul olunmuş, bütün dünya üçün taleyüklü xarakter daşıyan qərarlar gələcəkdə yaşadığımız planetin real təhlükələrdən qorunmasında xüsusi rol oynayacaq".

Bunu Sonxeber.az-a politoloq Elçin Xalidbəyli danışıb.

Politoloq açıqlamasında bunu da qeyd edib ki, Azərbaycan COP29 sayəsində beynəlxalq məkanda öz mövqelərini möhkəmləndirdi:

Azərbaycan bununla bütün dünyaya xidmət etmiş oldu. Digər tərəfdən Azərbaycan COP29-u keçirməklə Fransa və Ermənistanın ortaq böhtan və iftra kompanyasını da darmadağın etdi. Bütün dünyaya göstərdi ki, Fransız-Erməni təbliğatı boş, heç bir real əsası olmayan iddalardan və ittihamlardan ibarətdir. Rəsmi Bakı bu sahədə böyük uğurlar qazandı. COP29-un Azərbaycanda keçirilməsi ölkəmizin beynəlxalq nüfuzunu da ciddi şəkildə artırdı. Yəqin ki, yaxın gələcəkdə rəsmi Bakı bu tədbirin keçirilməsində əldə olunmuş beynəlxalq siyasi dividentlərdən öz siyasi, diplomatik fəaliyyətində maksimum səviyyədə istifadə etməyə çalışacaq. Çünki, belə potensiyal artıq var. Azərbaycanın mövqeyini dünyada ciddiyə almaq məcburiyyətində qalıblar. İlk növbədə COP29 kimi önəmli tədbirin yüksək və təhlükəsiz səviyyəsində keçirilməsi Bakının funksionallıq qabliyyətlərinin nə qədər yüksək səviyyədə olduğunu göstərir. Azərbaycan COP29 sayəsində beynəlxalq məkanda öz mövqelərini möhkəmləndirməklə yanaşı, eyni zamanda, reagional və regionətrafı bölgələrdə də öz təsir dairəsini artırmış oldu. Böyük ehtimalla Azərbaycan və eyni zamanda Azərbaycanın əsas liderlərindən biri olduğu türk dövlətləri təşkilatı bütün proseslərin sayəsində dünyada aparıcı, siyasi iradə mərkəzlərindən birinə çevrilmə şansı qazanmış kimi görsənir".

Vüsalə İbrahimli

Telegramda izləyin