Bakıda gənclər arasında kütləvi dava: Ölən və yaralananlar var - TƏFƏRRÜAT - VİDEO

Bakıda kütləvi dava olub, iki nəfər yaralanıb, bir nəfər ölüb.

BAKU.WS xəbər verir ki, ağır cinayət Xətai rayonu, NZS qəsəbəsi, Mingəçevir küçəsində baş verib.

Axşam saat 23 radələrində rayon ərazisində 3 nəfərin bıçaq xəsarətləri ilə xəstəxanaya yerləşdirilməsi barədə polisə məlumat daxil olub. Yaralılardan 18 yaşlı Nemət Həsənov çox qan itirdiyindən o xəstəxanada dünyasını dəyişib.

Rayon prokurorluğundan verilən məlumata görə, ilkin istintaqla Fərid Əhmədlinin aralarında şəxsi münasibətlər zəminində baş vermiş mübahisə zamanı həmyaşıdı Orxan Hüseynova bıçaqla xəsarət yetirməsinə, onu dayandırmağa çalışan Xalid Nəbiyev və Nemət Həsənova xəsarətlər yetirməsinə əsaslı şübhələr müəyyən edilib.

Hadisə şahidi olan Mirxuda Vəliyev Xəzər TV-yə deyib ki, mərhum Nemət Həsənov da daxil olmaqla onlar beş nəfər olublar. Qarşı tərəfdən isə 4 nəfər gəlib. Fərid Əhmədli Orxan Hüseynovu kənara çəkib onunla sakit söhbət edirmiş. Lakin sonradan qəfil bıçaq çıxararaq Orxanı vurub.

Qeyd edək ki, qətlə yetrilən Nemət Həsənov birinci kursda oxuyan tələbə olub. Faktla bağlı Fərid Əhmədli barəsində ''qəsdən adam öldürmə'' maddəsi ilə cinayət işi başlanıb, hazırda iş üzrə istintaq davam edir.

Telegramda izləyin