"2022-ci il idmançılarımız üçün uğurlu il oldu" - Cavanşir Paşazadə

"Bu gün idman sahəsinə dövlətimiz tərəfdən xüsusi diqqət yetirilir".

Bunu Sonxeber.az-a açıqlamasında deputat Cavanşir Paşazadə bildirib.

Deputat qeyd edib ki, 2022-ci il idmançılarımız üçün uğurlu il oldu:

"Ötən ilə nəzər salsaq görərik ki, ilin əvvəlində qarşımıza qoyduğumuz bütün vəzifələr icra edərək Azərbaycanın dinamik inkişafı təmin olundu. Xüsusilə də idman sahəsində. İdmançılarımız qazandıqları qələbələr və ev sahibliyi etdiyimiz beynəlxalq yarışlar Azərbaycanı bir daha idman ölkəsi kimi bütün dünyaya tanıtdı.2022-ci ildə idman sahəsində böyük nailiyyətlər əldə olunub. İdmançılar beynəlxalq yarışlarda 800-dən çox medal qazandılar. Qazanılan medalların 300-ə yaxını qızıldı. Dünyada idman sahəsində rəqabət artır, yeni idman ölkələri meydana çıxır. Ona görə hər il bu yüksək nəticələri göstərmək, öz gücünü təsdiqləmək asan məsələ deyil. Bu məsələdə dövlətimizin üzərinə böyük məsuliyyət düşür. Keçən il bu çətin vəzifə dövlətimiz tərəfindən uğurla yerinə yetirildi".

Deputat vurğulayıb ki, Dünya, Avropa çempionatlarında idmançılarımız ölkəmizi ləyaqətlə təmsil etdilər:

"Xüsusilə V İslam Həmrəyliyi Oyunları qeyd olunmalıdır. 5 il bundan əvvəl Bakıda keçirilmiş İslam Həmrəyliyi Oyunlarında Azərbaycan komanda hesabında birinci oldu. Əlbəttə, bu, tarixi qələbə idi. Keçən il Türkiyənin Konya şəhərində keçirilən V İslam Həmrəyliyi Oyunlarında idmançılarımız 99 medalla 4-cü yerə layiq görüldülər.

Təbii ki, bu uğurlar bizim üçün yetərli olmamalıdır.Gənc idmançıların hazırlanması mütəşəkkil qaydada davam etməlidir. Son vaxtlar bu sahədə daha məqsədyönlü fəaliyyət də göz önündədir, xüsusilə seleksiya işləri. Xüsusilə də Bölgələrdə keçirilmiş çoxsaylı tədbirlər gəncləri, uşaqları, yeniyetmələri idman bölmələrinə cəlb etmək üçün daha böyük imkanlar yaradacaq. Bilirsiniz ki, son bir neçə il ərzində bütün ölkə üzrə müxtəlif yarışlar keçirilib. Bu siyasət həm idman uğurlarımızı şərtləndirəcək, eyni zamanda, gənclər, yeniyetmələr, uşaqlar gənc, uşaqlıq yaşlarından idmana cəlb ediləcək və bunun onların tərbiyəsi üçün çox böyük əhəmiyyəti var".

Deputat söyləyib ki, bu gün idmanın bütün növlərinin inkişafı üçün dövlətimiz tərəfindən kifayət qədər vəsait ayrılmaqdadır:

"İdmançılara diqqət və qayğı olan yerdə nəticələrin yüksək olmaması mümkün deyil. Bu gün idmanla məşğul olmaq üçün bütün imkanlar yaradılıb. Bölgələrdə 50-yə yaxın Olimpiya İdman Kompleksi yaradılıb. Bu proses davam etdirilir. Bakı şəhərində ən mötəbər idman yarışları təşkil olunub. 2023-cü il ölkəmiz üçün bir çox parametrlər üzrə həlledici il olacaqdır. Ölkəmizdə həm dünya, həm Avropa çempionatları keçiriləcək, Olimpiya Oyunlarının təsnifat turnirləri də əvvəllər keçirilib. Yay Olimpiya Oyunlarına hazırlığın son mərhələsindəyik. Bizim bütün idman ictimaiyyətimiz, nazirlik, Milli Olimpiya Komitəsi, federasiyalar, klublar, idman cəmiyyətləri əsas istiqaməti bunda görməlidirlər ki, Azərbaycan Yay Olimpiya Oyunlarında da öz gücünü göstərə bilsin".

Deputat sonda işğaldan azad edilmiş ərazilərdə keçirilən bir neçə beynəlxalq idman yarışların əhəmiyyəti barəsində də danışıb:

"İşğaldan azad edilmiş rayon və şəhərlərə həyat yenidən canlanır və insanlarımız öz doğma torpaqlarına geri qayıdır. Azad edilmiş şəhərlərin hər birində idman qurğularının yaradılması nəzərdə tutulur. Bütün şəhərlərin Baş planları təsdiq edilib. Bütün bərpa-quruculuq işləri Baş planlar əsasında aparılacaq və idman obyektlərinin yaradılması nəzərdə tutulur.
Ağdamın məşhur "İmarət" stadionunun yeni layihəsi işlənilir.
Ötən il Ağdamın Eyvazxanbəyli kəndində Qarabağ Atçılıq Kompleksinin təməli qoyuldu. Qarabağ Atçılıq Kompleksi işğal dövründə Ağcabədi rayonunda yaradılıb. Bir sözlə Qarabağ da idmanın bütün növlərinin inkişafı üçün lazım olan tədbirlər görülməkdədir".

Aysel Yusifqızı

Telegramda izləyin