Məşhur plastik cərrahdan NÜMUNƏVİ ADDIM: Qazimizi pulsuz əməliyyat etdi - FOTO

Azərbaycanlı məşhur plastik cərrah Vüqar Ələkbərov Vətən müharibəsi qazisini Sadəddin Bayramovu pulsuz əməliyyat edib.

Bu barədə Sonxeber.az-a qazimizin özü məlumat verib.

Şəki rayonunun Baş Zəyzidkəndində anadan olan Sadəddin Bayramov bunları danışıb:

"5 aprel 2015-ci ildə hərbi xidmətə yollanmışam. 2016-cı ildə N saylı hərbi hissənin əsgəri olaraq aprel döyüşlərində iştirak etmişəm. 2020-ci ildə səfərbərlik elan ediləndə könüllü olaraq hərbi hissəyə getdim və həmin ilin 29 sentyabr tarixində Qarabağ uğrunda döyüşlərə qatılmaq üçün xidmətə yola düşdüm. Həmin bölgədə böyük fəxr hissi və həvəslə hərb sənəti və döyüş taktikasının təlim edildiyi hərbi kurslarda iştirak etdim.

Topxana, Daşaltı, Şuşa, Xankəndi istiqamətindəki döyüşlərdə iştirak etmişəm. 8 noyabr 2020-ci il tarixində Xankəndi uğrunda gedən döyüşlərdə ağır yaralandım. O an çox aydın yadımdadır. Gözlərim qaralırdı, "kəlmeyi-şəhadət"i dilimə gətirdim, lakin qəlbimdə rahat idim. Mən xəstəxanaya aparıldıqdan bir neçə gün sonra məşhur plastik cərrah Vüqar Ələkbərov könüllü olaraq məni əməliyyat etdi. Qolumdan 3 dəfə əməliyyat olundum. Hər üç əməliyyatımı da Vüqar Ələkbərov etdi. Bütün əməliyyatlarım uğurla keçib".

Sadəddin Bayramov bir neçə gün öncə Vüqar Ələkbərovun onu yenidən əməliyyat etdiyini söyləyib:

"Uzun müddətdir ki, nəfəs almaqda çətinlik çəkirdim. Can Klinik Tibb Mərkəzinə gedərək Vüqar həkimin məni müayinə etməsini xahiş etdim. Vüqar Ələkbərov müayinədən sonra məni pulsuz əməliyyat edəcəyini bildirdi. Rinoplastika ve çəpər əyriliyi əməliyyatı olundum. Digər əməliyyatlarım kimi, bu əməliyyatım da uğurla keçdi. Vüqar həkimə nə qədər təşəkkür etsəm, azdır. Bu insan bütün əməliyyatlarımı təmənnasız edərək mənə sağlamlığıma qovuşmaqda kömək etdi. Yaxşı ki, belə peşəkar və vicdanlı həkimlərimiz var! Çox şadam ki, Vüqar həkimi tanıyıram və məhz onun qızıl əlləri sayəsində sağlamam".

Aysel Yusifqızı

Telegramda izləyin

instagramda izləyin