"Atamla aralarında 10 dəqiqə fərq yarandı" - 20 Yanvar şəhidinin bacısı danışdı

"Həmin gecə evdəydik. Gecə saat 1-ə on dəqiqə qalmışdı. Biz hərbi kazarmaya yaxın oluruq, bizim evi kazarmadan bir bina ayırır. Səs-küy eşidib eyvana çıxdım. Qadınlar, qızlar qışqırırdı ki, nə oturmusunuz evdə, çölə çıxın, öldürürlər, qan axır.

Bu sözləri BiG.AZ-a açıqlamasında 20 yanvar şəhidi Ələkbərov Azərin bacısı Ələkbərzadə Səda Nəsib qızı deyib.

S.Ələkbərzadə Qanlı Yanvar faciəsindən qalan acı xatirələrini bölüşüb.

"Həmin gün də evdə Gəncədən qonaqlarımız var idi. Atam gecə saat 1-ə qalmış 10 dəqiqə getdi. Mən evdə hay-küy yaradanda qardaşım tez çıxdı ki, gedib atamı gətirsin. Elə onların arasında 10 dəqiqə fərq yarandı. Elə bil ki, o çıxdı 10 dəqiqədən sonra atam gəldi. Atam da deyir ki, mən gələndə o vaxtkı "Xəzər" kinoteatrının yanında meyit görəndə ayıldım ki, oğlum gedəcək. Gəlib çatmadı. O gedən də getdi..."

Fotoda Qanlı Yanvar faciəsinin şəhidi Azər Ələkbərov və atası Nəsib Ələkbərovdur:

Telegramda izləyin