Ronaldo Messinin komandasına qol vurduğu an ekrana çıxan yazı GÜNDƏM OLDU - VİDEO

Xəbər verdiyimiz kimi, dünən Fransanın PSJ futbol klubu Səudiyyə Ərəbistanının "Əl-Nəsr" və "Əl-Hilal" klubları ilə yoldaşlıq oyunununda qarşı-qarşıya gəlib. Futbolsevərlər "Əl-Nəsr"ə yenicə transfer olunan portuqaliyalı Kriştiano Ronaldo ilə PSJ-də çıxış edən argentinalı hücumçu Lionel Messini uzun müddət sonra eyni meydançada izləyiblər.

BiG.AZ xarici mətbuata istinadən xəbər verir ki, 21:00-da "beIN Sports 4" kanalında canlı yayımlanan matçda 5:4 hesabı ilə PSJ komandası qalib gəlib.

Oyunda Ronaldo 2, Messi isə 1 qol vurub.

Maraqlıdır ki, portuqaliyalı ulduzun qol vurduğu an reklam tablosuna "GOAT" yazısı çıxıb. Bu, bir markanın adı olsa da, Ronaldonun fanatları yazını "Greatest of All Time" ("Bütün zamanların ən möhtəşəmi") ifadəsinin qısaldılmış forması kimi yozublar.

Qeyd edək ki, Messi və Ronaldo sonuncu dəfə 2020-ci ilin dekabrında Çempionlar Liqasının "Barselona" və "Yuventus" matçında qarşılaşıblar. Bu görüşdə də portuqaliyalı hücumçu dubla imza atıb.

Telegramda izləyin