"Bu gün bəzi təşkilatlar qərəzli qərarları ilə regionda sülhün bərqərar olmasına maneələr yaratmağa çalışır" - DEPUTAT
"44 günlük Vətən müharibəsində tək torpaqlarımızı işğaldan azad etmədik, həm də dost pərdəsi arxasında gizlənən düşmənlərimizi də tanıdıq".
Bunu Sonxeber.az-a danışan deputat Nəsib Məhəməliyev bildirib.
Deputat qeyd edib ki, illərdir ki, Azərbaycan beynəlxalq təşkilatların ikiüzlü münasibətindən əziyyət çəkib:
"Demokratiyadan və insan haqlarından dəm vuran bu təşkilatlat 30 il ərzində Ermənistana torpaqlarımızı işğaldan azad etməsi üçün bir dəfə də olsun təzyiq göstərmədi. İnsanlarımızı vəhşicəsinə qətlə yetirənlər, Xocalı soyqırımını törədənlər, 44 günlük Vətən müharibəsi zamanı Bərdədə, Gəncədə və digər rayonlarda sivil vətəndaşlarımıza qarşı müxtəlif terror aktları törədənlər hələ də cəzasız qalıb. Bu gün də həmin təşkilatlar Xankəndi-Laçın yolumda azərbaycanlı ekofəallar və gənc könüllülərin Qarabağda faydalı yataqların qanunsuz istismarı əleyhinə yönəlmiş aksiyasına başqa don geyindirməyə çalışırlar. Əlbəttə bu yolverilməzdir. Orada keçirilən aksiyanın əsas məqsədi Qarabağdakı ekoloji terrora son qoyulmasıdır. 30 ildir ki, erməni barbarları insanlarımızı vəhşicəsinə qətlə yetirib, işğal etdikləri şəhər və rayonlarda ekoloji terrorlar törədiblər. Bu gün Ermənistanın havadarları bu həqiqəti gizlətməyə və ört-basdır etməyə çalışır. Avropa İttifaqı (Aİ) Şurasının Ermənistanda monitorinq missiyasını yaratması da məhz bu addımların davamıdır. Məqsəd də aydındır. Regionda sülhün bərpasına maneələr yaratmaq və Qarabağdakı erməni terrorçularını mühafizə etməkdir. Təbii ki, Azərbaycan bunun fərqindədir. Onlar istəməsələr də Ermənistan sülh müqaviləsini imzalamalı olacaq. Çünki sülh müqaviləsindən imtina Ermənistanın sonunu gətirə bilər".
Aysel Yusifqızı
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş