"Güzəşt uzadılmasa, depazitlər azalar və əvəzində daşınmaz əmlak bazarında bahalaşma ola bilər" - ELDƏNİZ ƏMİROV

"Güzəşt uzadılmasa, depazitlər azalar və əvəzində daşınmaz əmlak bazarında bahalaşma ola bilər.Sabah vaxtı bitən vergi güzəştinin olduğu maddə (102.1.22) bir az uzundur. Həm o emitet, dividend, diskont kimi sadə vətəndaşın anlamayacağı terminlərlə zəngindir. Ona görə də bunu sadə insanların anlayacağı dildə ifadə etsək,bu maddəyə görə insanların bankalara qoyduqları depozitlərdən əldə etdiyi illik faiz gəlirləri 7 il müddətinə vergidən azad edilirdi".

Bu sözləri Sonxeber.az-a iqtisadçı-ekspert Eldəniz Əmirov deyib.

O bildirib ki, bu güzəşt 2016-ci ildə qəbul edilib.

"Səbəb isə həmin il bir çox güzəştlərin edilməsinə zərurət yaradan devalvasya idi. 2015-ci ildə olan devalvasiyanın iqtisadiyyata dağıdıcı təsirini azaltmaq üçün bir sıra tədbirlər görüldü ki, bunlardan da biri depazitlərdən gələn faiz gəlirlərinin vergidən azad edilməsi oldu. Amma bunun da sabah vaxtı bitir. Sözügedən güzəşt insanların banklara depazit yatırmasının həcmini artırdı, Yeddi il ərzində fiziki şəxslərin 8,8 milyard manat əmanəti 33%-dən çox artaraq 11,7 milyard manata qalxdı.
Bu güzəştin bitməsi geri effektlər yarada bilər, əmanət həcmlərinin azalmasına gətirib çıxara bilər. Bankların təqdim etdiyi depozit faizlərini onsuz da infilyasiya yeyir. Digər tərəfdən də güzəştin aradan qalxması insanların öz əmanətlərini daşınmaz əmlaka yönəldəcəkləri daha real görünür. Çünki bankların təklif etdiyi faizlər qarşılığında infilyasiya və vergi daşınmaz əmlakı daha səmərəli yatırım istinadına çevirir. Bu isə tələbin artması fonunda daşınmaz əmlak bazarında qiymət artımlarını mart-aprel aylarına doğru hiss etdirməyə başlayacaq".

Telegramda izləyin