"Azərbaycan gəncliyi 44 günlük Vətən müharibəsində qanları tarix yazdı" - DEPUTAT

"Bu gün əsası ulu öndər tərəfindən qoyulan gənclər siyasəti uğurla davam etdirilir".

Bunu Sonxeber.az-a danışan deputat Cəbi Quliyev deyib.

Deputat vurğulayıb ki, hər il 2 fevral ölkəmizdə Azərbaycan Gəncləri Günü kimi qeyd olunur:

"Bu günün bayram kimi qeyd edilməsi gənclərə hər zaman böyük qayğı ilə yanaşan ümumimilli lider Heydər Əliyevin adı ilə bağlıdır. Ulu Öndər Heydər Əliyevin 1997-ci il fevralın 2-də imzaladığı Fərmana əsasən, hər il fevralın 2-si Azərbaycan Gəncləri Günü elan edilib. Həmin vaxtdan etibarən bu gün MDB məkanında və Şərqi Avropa ölkələri arasında ilk dəfə Azərbaycanda təntənəli şəkildə qeyd edilməyə başlanıb. Bu sahədə də Azərbaycan bir çox ölkələri qabaqlayıb. Ulu öndər Heydər Əliyevin 1997-ci ildə imzaladığı fərmanla təsis olunan bu bayram Azərbaycan gənclərinə verilən yüksək qiymətdir. Ulu Öndər tərəfindən təməli qoyulmuş və bu gün də uğurla davam etdirilən bu siyasət Azərbaycanda gənc nəslin mənəviyyatca zəngin, vətənpərvərlik ruhunda tərbiyəsinə, hərtərəfli inkişafına böyük zəmin yaradır".

Deputat vurğulayıb ki, bu gün gənclər siyasəti keyfiyyətcə yeni mərhələsini yaşayır:

"2003-cü ildən sonra gənclər siyasəti yeni inkişaf mərhələsinə qədəm qoydu. Azərbaycan gəncliyi ilə bağlı Dövlət proqramları qəbul edildi, 2007-ci il "Gənclər ili" elan olundu, 2011-ci ildə Gənclər Fondu yaradıldı, 2013-cü ildə ölkədə ilk dəfə "Gənclər üçün Prezident Mükafatı" təsis olundu, Azərbaycan gənclərinin İnkişaf Strategiyası təsdiqləndi.

Gənclərimizin vətənvərpər ruhda yetişməsi 44 günlük Vətən müharibəsində həlledici rol oynadı. Mərd və vətənpərvər gənclərimiz döyüş meydanında düşməni məhv edərək ölkəmizin ərazi bütövlüyünü bərpa etdi. Azərbaycan gəncliyi 44 günlük Vətən müharibəsində qanları tarix yazdı. Məhz o mərd oğullarımızın sayəsində 3 ildir ki, bu bayramı gənclərimiz qalib ölkənin vətəndaşları kimi qeyd edir".

Deputat söyləyib ki, hazırda ölkəmizdə gəncləşmə siyasəti aparılır:

"Savadlı, bacarıqlı və vətənpərvər gənclər irəli çəkilir və yüksək vəzifələrə təyin edilir. Sevindirici haldır ki, gənclərimiz ölkə başçısının onlara göstərdiyi etimadı doğruldaraq, xalqa layiqincə xidmət edirlər. Bu gün əminliklə deyə bilərik ki, gələcəyimiz əmin əllərdədir".

Aysel Yusifqızı

Telegramda izləyin