"İranın molla rejimi Xoyda baş vermiş zəlzələyə bölgəni azərbaycanlılardan təmizləmək üçün fürsət kimi yanaşır"-DEPUTAT

"İranın molla rejimi bir neçə gün öncə Xoyda baş vermiş zəlzələyə bölgəni azərbaycanlılardan təmizləmək üçün fürsət kimi yanaşır. İnsanlar hələ də küçələrdə, evsiz-eşiksiz, ac və sərgərdan vəziyyətdə qalmaqdadır. Amma humanitar fəlakət yaşayan soydaşlarımıza nəinki hansısa xarici ölkədən, ümumiyyətlə Cənubi Azərbaycanın digər şəhərlərindən belə minimal ehtiyacları əhatə edən yardımların daxil olmasına icazə verilmir".

Bunu Sonxeber.az-a Milli Məclisin deputatı Bəhruz Məhərrəmov deyib.

O bildirib ki,terror dövləti bu şəhərdə azərbaycanlıların bütövlükdə və ya qismən fiziki məhvinə yönəlmiş yaşayış şəraiti yaratmaqla dünyanın gözü önündə soyqırım cinayəti törətməkdədir.

"Dünya bu vəhşiliyə, molla rejiminin bu insanlıq əleyhinə cinayətlərinə "dur!"deməlidir! Artıq sanksiyalar effektiv deyil, məsələni BMT Təhlükəsizlik Şurasının müzakirəsinə çıxarmağın və İrana qarşı daha sərt addımların vaxtıdır. İranın molla rejimi Xoyda baş vermiş zəlzələyə bölgəni azərbaycanlılardan təmizləmək üçün fürsət kimi yanaşır".
AYSEL ƏKBƏR

Telegramda izləyin