"Qardaş Azərbaycan kömək çağırışından əvvəl yardım etdi" - Cahid Bağçı

"Zəlzələ xəbərinin ilk anından prezident Rəcəb Tayyib Ərdoğan bütün qurumlar ilə səfərbər oldu. Qardaş Azərbaycan kömək çağırışından əvvəl yardım etdi. Zəlzələ səhəri fövqəladə hallar naziri Kəmalləddin Heydərov mənə zəng edərək zəlzələ ərazisinə göndərilən axtarış-xilasetmə qrupunun hazır olduğunu bildirdi".

Sonxeber.az xəbər verir ki, bu sözləri Türkiyənin Azərbaycandakı səfiri Cahid Bağçı bu gün keçirtdiyi mətbuat konfransında deyib.

O bildirib ki, Azərbaycandan Türkiyəyə 5624 çadır, 401 ton tibbi ləvazimat, 1200-dən çox generator, 6240 ədəd qızdırıcı, 737 ton qida məhsulları göndərilib.

Qeyd edək ki, Türkiyənin şimal-şərqində baş verən 7,7 bal gücündə zəlzələdən zərər çəkənlərə ən çox yardım göndərən ölkə Azərbaycan olub.

Şəbnəm Lətifi

Telegramda izləyin