TikToka görə hüquq-mühafizə orqanlarına müraciət etdi

"Bir çox insan sosial şəbəkədən istifadə edir. Etikadan kənar hərəkət etmirik ki, bizə baxan analar, bacılar var. Son zamanlar TikTok-da gənclərin əksəriyyəti bir-birini söyür, təhqir edir və alçaldıcı hərəkətlər edir".

Axşam.az xəbər verir ki, bu sözləri klarnet ifaçısı Hüseyn Məhəmmədoğlu sosial şəbəkədə paylaşdığı videoda deyib. Musiqiçi TikTok sosial şəbəkəsindən şikayət edib. Hüquq-mühafizə orqanlarına müraciət edən Hüseyn bildirib ki, sözügedən sosial şəbəkə ilə bağlı tədbir görülsün:

"Mənim də orada profilim var. Açanda bəzən elə söyüşlər eşidirsən ki... Bu, bizim gələcək nəslin tərbiyəsinə pis təsir edir. Üzümü tuturam aidiyyatı qrumlara - bu barədə bir ölçü götürəsiniz. Azərbaycan vətəndaşı, tanınmış musiqiçi kimi xahiş edirəm, bunun qarşısını alasınız. Bu, yeni nəslə pis örnəkdir. Müəyyən tədbir görməyinizi xahiş edirəm. Gənclərə də deyirəm ki, buna son qoyun. Bu sosial şəbəkəni işlədən qohumlarımız, analar, bacalar da var. Çox ayıbdır. Bu, bizim Azərbaycan xalqına yaraşmayan addımdır".

Telegramda izləyin

instagramda izləyin