Ermənistan və İran xarici işlər nazirləri Cenevrədə görüşüblər

Ermənistanın xarici işlər naziri Ararat Mirzoyan BMT-nin İnsan Hüquqları Şurasının 52-ci sessiyasının iclası çərçivəsində Cenevrədə İranın xarici işlər naziri Hüseyn Əmir Abdullahian ilə görüşüb.

Sonxeber.az Armenpress-ə istinadən xəbər verir ki, xarici işlər nazirləri ikitərəfli və çoxtərəfli tərəfdaşlığa dair məsələləri müzakirə ediblər. Hər iki tərəf Ermənistan və İran arasında yüksək səviyyəli siyasi dialoqu məmnuniyyətlə qeyd ediblər.

Qarşılıqlı maraq doğuran sahələrdə, o cümlədən enerji, nəqliyyat və infrastruktur sahələrində əməkdaşlığın daha da inkişaf etdirilməsi üçün birgə fəaliyyətlər vurğulanıb.

Regionda təhlükəsizlik və sabitlik məsələləri ətrafında fikir mübadiləsi aparılıb.

Ararat Mirzoyan 9 noyabr 2020-ci il üçtərəfli bəyanatının şərtlərinə uyğun olaraq Azərbaycanın Dağlıq Qarabağın blokadasını ilkin şərt olmadan dərhal dayandırmasının vacib olduğunu vurğulayıb.

Beynəlxalq Məhkəmənin qərarının icrası da vurğulanıb.

Mirzoyan Ermənistan-Azərbaycan nizamlanması prosesindəki son hadisələri təqdim edib.

Telegramda izləyin