Qarabağda separatçıların varlığı silahlı təxribatların əsas səbəbi...

"Azərbaycanın Qarabağ iqtisadi rayonu ərazisində erməni separatçılarının (silahlı birləşmələr) varlığı qeyri-sabitliyin, silahlı təxribatların əsas səbəbidir.

Bu fikirləri rusiyalı ekspert İqor Korotçenko sosial şəbəkədə Qarabağda bugünkü silahlı toqquşmanı şərh edərəkən yazıb.

Xatırladaq ki, Xankəndi-Xəlfəli-Turşsu torpaq yolundan istifadə edilməklə Ermənistan Respublikasından hərbi ləvazimatların, silah-sursatın və şəxsi heyətin Rusiya sülhməramlı kontingentinin müvəqqəti yerləşdiyi Azərbaycan ərazilərinə daşınmasının həyata keçirilməsi baradə operativ məlumatlar daxil olub.

Martın 5-də səhər saatlarında daxil olmuş məlumatın yoxlanması məqsədilə qanunsuz hərbi daşınmalar həyata keçirən nəqliyyat vasitələri Azərbaycan Ordusunun bölmələri tərəfindən saxlanılaraq yoxlanılmasına cəhd göstərilib.
Qarşı tərəfdən atəş açılıb və baş vermiş atışma nəticəsində hər iki tərəfdən həlak olan və yaralananlar var./Bizim.Media

Telegramda izləyin