"Mən inanmıram ki, İranla müharibədən söhbət gedə bilsin " - Müşfiq Cəfərov - VİDEOMÜSAHİBƏ

"Mən inanmıram ki, İranla müharibədən söhbət gedə bilsin. İranda 40 milyon azərbaycanlı yaşayır. Orada bizim qohumluq əlaqələrimiz var, gediş-gəlişimiz hər zaman olub. Qardaşın qardaşa güllə atması mümkün deyil.Çünki onlr bizim həmvətənlərimizdir. Ancaq oradakı rejim ürəkaçan deyil".

Bu sözləri Milli Məclisin deputatı Müşfiq Cəfərov Sonxeber.az-a müsahibəsində deyib.

Deputat həmçinin Ermənistan-Azərbaycan münasibətləri ilə bağlı sualları da cavablandırıb.

O qeyd edib ki, ermənilərin Azərbaycana inteqrasiyasına bir az zaman lazımdır.

"Düşünürəm ki, Ermənistan və Azərbaycan arasında sülh müqaviləsinin bağlanmasına müəyyən qüvvələr, maraqlar maneə olur.Ermənistan öz müstəqil siyasətini həyata keçirə bilmir. Artıq Ermənistan də anlamalıdır ki, bugünki mənzərə tam başqadır. 30 il əvvəlki vəziyyət deyil. Ermənistan kapitulyasiya aktına imza atmış ölkədir. Nə iqtisadi, nə hərbi cəhətdən Azərbaycanla bacara bilər. Ermənilərin Azərbaycana inteqrasiyasına bir az zaman lazımdır. İlkin görüş Xocalıda keçirildi. İkinci görüş üçün Bakıya dəvət olundular, amma qəbul etmədilər. Qarabağ erməniləri Ermənistanın onlara dəstək olmadığını görəndə Azərbaycanı seçəcəklər".

Şəbnəm Lətifi

Telegramda izləyin