"Bizim xanımlar beynəlxalq müstəvidə də kifayət qədər fəaldılar" - DEPUTAT

"Azərbaycan qadınlarının ölkənin tarixində hər zaman böyük rolu olub. Kifayət qədər böyük nüfuza malik zümrənin təmsilçiləri olaraq, hətta, ta qədim dövrlərdən Azərbaycanda dövlətin idarə edilməsində qadınların iştiraknı görürük. Azərbaycan qadının bu kimi fəal və tarixi köklərə söykənən siyasi fəaliyyəti sonrakı mərhlədə, 1918-ci ildə Azərbaycan Xalq Cümhuriyyətinin qurulması zamanı ilk demokratik cəmiyyətin şərqdə qurulması, məhz Azərbaycana təsadüf etməsi, eyni zamanda qadınlara seçki hüququnun verilməsi bərqərar olundu. 1919-cu ildə isə daha da oturuşmuş şəkildə həyata keçirilməyə başladı. Bu bir daha göstərdi ki, Azərbaycan cəmiyyətində qadınların hər zaman xüsusi rolu var".

Bu sözləri Milli Məclisin deputatı Azər Allahverənov Sonxeber.az-a müsahibəsində qeyd edib.

O, bildirib ki, cəmiyyətin elə bir sahəsi yoxdur ki, orada qadınların iştirakını görməyək:

"Qadınlarımız ictimai-siyasi proseslərdə kifayət qədər fəaldılar. Cəmiyyətin elə bir sahəsi yoxdur ki, orada qadınların iştirakını görməyək. Elə jurnalistika sahəsinin özündə də bu gün kifayət qədər qadınlar fəaliyyət göstərir. Bu da təbii ki, çox təqdirə layiq bir haldır. Bir məsələni də xüsusilə qeyd etmək istəyirəm ki, bizim xanımlar beynəlxalq müstəvidə də kifayət qədər fəaldılar. Heydər Əliyev Fondunun fəaliyyəti ilə bağlı da onu qeyd etmək istəyirəm ki, Azərbaycan Respublikasının Birinci vitse-prezidenti, Mehriban xanım Əliyeva fondun prezidenti olaraq çox böyük və məhsuldar fəaliyyət həyata keçirdir. Bu çoxşaxəli fəaliyyət ölkənin hüdudları daxilində insanların, xüsusilə də aztəminatlı insanların qayğıya, dəstəyə ehtiyacı olan şəxslərin hüquqlarının təmin olunması onlar üçün zəruri şərayitin yaradılması istiqamətində böyük işlər həyata keçirdir. Eyni zamanda, bilavasitə Mehriban xanımın rəhbərliyi altında beynəlxalq müstəvidə də çoxsaylı layihələr həyata keçirilməkdədir. Ölkənin gender siyasəti ilə bağlı mövcud olan prioritetləri və onların icrasının bariz təsdiqini biz həm də Heydər Əliyev Fondunun fəaliyyətində görə bilirik. Eyni zamanda ictimai-siyasi mühitdə bizim Azərbaycan xanımlarının iştirakında, xüsusilə də bu məsələ öz təsdiqini tapır və bu siyasət daha da dərinləşməkdədir. Bu olduqca vacib və təqdirəlayiq bir haldır".

Müsahibənin davamı:

Vüslə İbrahimli

Telegramda izləyin