"İnsan beyninə yeridilən çip neyrosiqnalları mətnə və ya nitqə çevirəcək..."

"Connexus" qurğusu ağır iflicdən əziyyət çəkən pasiyentlərə ünsiyyətdə olmağa imkan verəcək..."

"Gələcəkdə bu sistemlərdən korluq və ruhi xəstəliklərin müalicəsində istifadə ediləcək..."

Qida məhsulları və dərmanlara sanitar nəzarət üzrə İdarənin çiplərin insan beyninə implantasiyasına icazə verməsi gözlənilir

Amerikanın 2015-ci ildə əsası qoyulan "Paradromics" şirkəti bu yaxınlarda ağır iflicdən əziyyət çəkən pasiyentlərə kömək edə biləcək beyin çipi işləyib hazırlayıb. Çip onlara onun sinir siqnallarını deşifrə etməklə ünsiyyətdə olmağa imkan verəcək.

Bu barədə "Detaly" nəşri yazıb.

Gözlənilir ki, Qida maddələri və dərmanlara sanitar nəzarət üzrə İdarə (FDA-Food and Drug Adminstration) innovaasion məhsulun artıq 2024-cü ildə tətbiq edilməsinə icazə verəcək.

İxtiraçılar məhsulu "Connexus məlumatlarının birbaşa interfeysi" adlandırıb. "Paradromics"in baş direktoru Mett Edcel izah edib ki, son qərar, habelə 33 milyon dollarlıq maliyyələşmə "Paradromics"ə qurğunu bazara çıxarmağa imkan verəcək.

"Connexus" neyron siqnallarını mətnə və ya nitqə çevirən kommunikasiya qurğusu kimi işləyir. Balaca elektrodlar massivi pasiyentin birbaşa beyin toxumasına implant edilir, orada onlar beyin siqnallarını ölçür və deşifrə edir, onlar da sonucda döş qəfəsi nahiyəsində dəri altında yerləşdirilən ötürücü-qəbuledici vasitəsilə xarici qurğulara ötürülür.

"Paradromics" beyin siqnallarını deşifrə edən və onları intellektual qurğuların köməyilə komandalara çevirən BCI sisteminin interfeyslər industriyasıdır. Ekspertlər hesab edir ki, vaxt gələcək, bu sistemlər korluq və ruhi xəstəlikləri müalicə edəcək.

Ecel izah edib ki, BCI 10 illik iş üçün hesablanıb və ilkin olaraq fiziki cəhətdən ünsiyyətdə olmaq qabiliyyətini itirmiş pasiyentlər üçün istifadə ediləcək.

Çipin yeridilməsi baş beyində invaziv cərrahi əməliyyatın aparılmasını tələb edəcək, lakin neyron siqnallarının ölçülmə keyfiyyəti pasiyentlərə qeyri-invaziv BCI qurğularına nisbətən daha sürətlə və təbii tempdə ünsiyyətdə olmağa imkan verəcək.

Lakin tibbi məhsulun istifadə edilməsi üçün FDA-dan son qərarın alınması sadə məsələ deyil və şirkətlərdən bir neçə raund çox diqqətli sınaqların keçirilməsi və qurğunun təhlükəsizliyi barədə məlumatların toplanması tələb ediləcək.

Hal-hazırda şirkət təhlükəsizliklə bağlı sınaqları heyvanlar üzərində keçirir və bu sınaqların məlumatları insanlarda tədqiqatlara icazənin alınmasına kömək edəcək.

Ecel əlavə edib ki, "Paradromics" insanlarda ilk kliniki sınağa 2024-cü ilin birinci yarısında başlamağa ümid edir.

Moderator.az

Telegramda izləyin