Ermənistan: "Delimitasiya üçün konkret xəritə üzrə yekun razılaşma yoxdur"

Ermənistanın xarici işlər naziri Ararat Mirzoyan bildirib ki, Ermənistan və Azərbaycan arasında sərhədin delimitasiyası üçün hansı konkret xəritədən istifadə ediləcəyi ilə bağlı yekun razılaşma yoxdur.

Sonxeber.az xəbər verir ki, o, 1975-ci ilin xəritəsinin Ermənistan üçün məqbul həll olacağını bildirib.

"Hansı xəritələrin delimitasiya işlərində istifadə edilməsi ilə bağlı yekun razılıq yoxdur. Ancaq bu işi Alma-Ata Bəyannaməsinə uyğun həyata keçirmək öhdəliyi var. Bununla bağlı 2022-ci il oktyabrın 6-da Praqada razılıq əldə olunub, lakin hansı xəritə ilə bağlı razılıq yoxdur" ,- deyə nazir bildirib.

Mirzoyan əlavə edib ki, bildiyinə görə, Kişinyovda keçirilən son sammitdə Azərbaycan Prezidenti 1975-ci ilin xəritəsinə etiraz etməyib.

"Söhbət ətrafında bütün beynəlxalq ictimaiyyət və Ermənistan tərəfindən anlaşma və işi davam etdirməyə hazır olan xəritədən gedir. Biz hesab edirik ki, 1975-ci il xəritəsi ilə bir-birinin ərazi bütövlüyünü tanımaq və bu əsasda danışıqlara başlamaq Ermənistan Respublikası üçün məqbul həll yolu olardı. Amma konkret xəritə üzrə yekun razılaşma yoxdur", - deyə xarici işlər naziri əlavə edib.

Telegramda izləyin