Ərdoğan və Putin arasında telefon danışığı olub

Türkiyə prezidenti Rəcəb Tayyib Ərdoğanla Rusiya prezidenti Vladimir Putin arasında telefon danışığı olub.
Sonxeber.az türk mətbuatına istinadən xəbər verir ki, Rusiya-Ukrayna müharibəsi müzakirə edilib.
Prezident Ərdoğan görüş zamanı Kahovka bəndində baş verən partlayışla bağlı hərtərəfli araşdırmanın şübhəyə yer qoymayacaq şəkildə aparılmasının vacib olduğunu bildirib.
O qeyd edib ki, Rusiya və Ukrayna ekspertlərinin, Birləşmiş Millətlər Təşkilatının və Türkiyənin də daxil olduğu beynəlxalq ictimaiyyətin iştirakı ilə komissiya yaradıla bilər. Ərdoğan Türkiyənin bu kontekstdə üzərinə düşəni etməyə hazır olduğunu bildirib.
Prezident Ərdoğan həmçinin Rusiya taxıl və gübrə ixracına maneələrin aradan qaldırılması üçün BMT ilə məsləhətləşmələrin davam etdirilməsindən faydalanacağını bildirib. O, qarşıdurmaların sona çatması üçün bütün lazımi dəstəyi səmimiyyətlə verməyə hazır olduqlarını deyib.

Şəbnəm Lətifi

Telegramda izləyin