Paşinyan Filippin prezidentini müstəqillik günü münasibətilə təbrik edib

Ermənistanın Baş naziri Nikol Paşinyan Filippin Respublikasının prezidenti Ferdinand Romualdez Markosa milli bayram münasibətilə təbrik məktubu göndərib.

Sonxeber.az xəbər verir ki, bu barədə erməni mətbuatı məlumat yayıb.

"Zati-aliləri, Filippin Respublikasının milli bayramı, Müstəqilliyinin 125-ci ildönümü münasibətilə sizi və dost Filippin xalqını Ermənistan Respublikası Hökuməti adından təbrik edirəm. Məmnunluq hissi ilə qeyd etmək istərdim ki, Ermənistan və Filippin arasında diplomatik münasibətlər qurulandan bəri iki ölkə arasında münasibətlər həm ikitərəfli, həm də çoxtərəfli platformalarda müntəzəm surətdə inkişaf edib.Əminəm ki, birgə səylərlə biz iki ölkə xalqlarının rifahı naminə Ermənistan və Filippin arasında qarşılıqlı maraq doğuran sahələrdə əlaqələrin daha da inkişafına və dərinləşməsinə töhfə verəcəyik.Sizə möhkəm cansağlığı və yeni uğurlar, dost Filippin xalqına firavanlıq və sülh arzulayıram", - deyə Paşinyan bildirib.

Şəbnəm Lətifi

Telegramda izləyin