"ABŞ-nin Ermənistanla birgə təlimləri regionda sülh mühiti üçün təhdid yaradır"-Bəhruz Məhərrəmov

İstiqamət:İctimai və dövlət maraqlarının müdafiəsi

"ABŞ-nin Ermənistanla birgə təlimləri nəinki Ermənistanın özünün təhlükəsizliyinə heç bir fayda vermir, əksinə regionda sülh mühiti üçün təhdid yaradır".

Bu sözləri Milli Məclisin deputatı Bəhruz Məhərrəmov Sonxeber.az-a deyib.

O qeyd edib ki, Ermənistan-ABŞ birgə təlimləri bizdə təəccüb doğrumur. Lakin, bir reallıq dəyişmir ki, istər təlim, istər silahlandırma hesabına Ermənistanın Azərbaycan üzərində üstünlük qazana biləcəyi vəziyyətə çatdırılması mümkün deyil:

"30 davam etmiş işğalın, urbisid, ekosid və kultrasidin, sülh və insanlıq əleyhinə, o cümlədən müharibə cinayətlərin subyekti olan Ermənistanın hərbi imkanlarını artırmaqla Vaşinqton İrəvanı revanş və yeni münaqişəyə təşviq edir. Görünən odur ki, dünyanın dörd bir güşəsində maraqlarını yalnız münaqişələr hesabına təmin edən ABŞ Azərbaycanın qələbəsindən sonra Cənubi Qafqazda dayanıqlı sülh və sabitlik mühiti üçün yaranan tarixi şansı özünün maraqlarına təhdid hesab edir və Ermənistanı da bu baxımdan yenidən təcavüzkarlığa sövq edir.

Sirr deyil ki, Azərbaycan və Ermənistan arasında 30 ildən artıq davam etmiş münaqişənin gedişatında da Vaşinqton eyni ssenariyə sadiq qalmış, münaqişənin dondurularaq yekun həllə nail olunmaması üçün bütün vasitələrdən istifadə olunmuş, hətta bu məqsədlə işğal faktorunun legitimləşdirilməsinə çalışmışdır. Həmçinin, 30 illik bir periodda Vaşinqton Azərbaycanda separatçıların ən böyük dəstəkçilərindən biri kimi çıxış edərək, dəfələrlə Qarabağdakı separatçı rejimin "liderlərini" səfərə dəvət edib görüşlər keçirərək, cinayətkar rejimin ofisini yaradaraq separatizmə bütün mümkün dəstəyi vermişdir. Eyni zamanda Dövlət Departamentinin birbaşa dəstəyi ilə fəaliyyət göstərən fondlardan "Qarabağa yardım", habelə mina təmizləmə adı altında milyonlarla dollar yardım verərək separatizmin maliyyə dayaqlarından birini təşkil edib.
Bu mənada əlbətə, Ermənistan-ABŞ birgə təlimləri bizdə təəccüb doğrumur. Lakin, bir reallıq dəyişmir ki, istər təlim, istər silahlandırma hesabına Ermənistanın Azərbaycan üzərində üstünlük qazana biləcəyi vəziyyətə çatdırılması mümkün deyil. Cənəb İlham Əliyevin regionda işğal və təcavüzə, o cümlədən separatizmə ən böyük zərbəsi hesab olunan 44 günlük savaşdakı qələbəmizdən sonra yaranan yeni situasiyada bütün kənar müdaxilə cəhlərinə rəğmən zaman Ermənistanın əleyhinə işləyir. İrəvan qərbin vədlərinə insanaraq sülh gündəliyindən kənarlaşdıqca isə daha çox çıxılmaz duruma düşməkdədir. İrəvan meriyasına son seçkilərin nəticələri fonunda artıq qərbə aldanan Paşinyanın aqibəti barədə təsəvvür yaratmaq çətin deyil. Daha öncəki seçkilərdə 81% səslə qalib gələn hakim Mülki Müqavilə partiyasının seçici fəallığının cəmi 25 faiz olduğu bir şəraitdə, 48% daha az, yəni cəmi 33 % səslə, məğlubiyyətə bərabər qələbə qazanması çox şeydən xəbər verir. Bundan başqa, qərbyönümlü digər siyasi qüvvələrin seçkilərdə ciddi nəticələr ortaya qoyması əslində qərbin özünün də irəvanda prioritetlərinin dəyişməsinin mümkünlüyündən xəbər verir. Yəni reallıq onu göstərir ki, bu gün Ermənistanla birgə təlimlər keçən ABŞ Paşinyanın qərbə sadiq qalacaq digər alternativlərinə də yox deməyəcək. Yaxud, gürcüstanla davrandığı kimi, ABŞ istənilən vaxt Ermənistanı Rusiya qarşısında tək qoyaraq çəkilməsi istisna deyil. Xüsusən, meriya seçkilərinin Rusiyanın Ermənistan hakimiyyəti üzərində ənənəvi siyasi təzyiq rıçaqının hələ də güclü olduğunu göstərdiyi şəraitdə. Belə olan halda aydındır ki, Ermənistan hər hansı üçüncü ölkələrlə təlimlərə yox, özünün qonşuları ilə münasibətləri nizamlamağa çalışsın. Ermənistan ABŞ-ın keçdiyi təlimlər, İranın və Fransanın verdiyi vədlər, Hindistanın daşıdığı silahlar hesabına yox, yalnız və yalnız Azərbaycanla beynəlxlaq hüququn şərtlərinin rəhbər tutulduğu sülh müqaviləsini imzalayaraq, Bakı və eyni zamanda Ankara ilə münasibətləri yoluna qoyaraq təhlükəsizliyini təmin edə bilər".
Material Azərbaycan Respublikasının

Şəbnəm Lətifi

Telegramda izləyin

instagramda izləyin