Azərbaycanlı döyüşçü: "Adımı dünyada tanıtmaq üçün çox şeyi qurban verdim"

Azərbaycanlı döyüşçü: "Adımı dünyada tanıtmaq üçün çox şeyi qurban verdim""Adımı dünyada tanıtmaq üçün çox şeyi qurban verdim".

Bunu "Report"un Gürcüstan bürosuna açıqlamasında əslən Gürcüstandan olan həmyerlimiz, kikboksinq döyüş növü üzrə Azərbaycan bayrağı altında 7 qat dünya çempionu olan Alim Nəbiyev deyib.

29 yaşlı döyüşçü çətinliklərə daim sinə gərməyi bacardığını bildirib: "Hər şeyim olduğu vaxtlarda hamı yanımda idi. Yarışdan evə gələndə tanımadığım insanlar gəlib qapımı döyürdülər. Ancaq bəzən uduzduğum zaman yanımda heç kim olmayıb, təyyarədən düşüb taksi ilə evə tək getmişəm. Zirvədə də olmuşam, dibi də görmüşəm. Həyatın hər üzünü görmüşəm, amma heç nə məni ruhdan salmayıb. Yalnız irəli getmişəm. Yaşananlar mənə daha çox stimul verib. Azərbaycanda mənə dəstək olan çox yaxın dostlarım var. 7 ildir yolumu "Qəbələ" İdman Klubu ilə davam etdirirəm. İdmançıya ən vacib olan dəstəkdir. İdmançılara daha çox dəstək olsalar, çempionların sayı artar. Şükürlər olsun ki, bütün çətinliklərə baxmayaraq, Azərbaycan bayrağını dalğalandırmaq üçün dayanmadan çalışırıq".

2016-cı ildə muay-tay üzrə (WMC) yüngül çəkidə dünya çempionu olan A.Nəbiyev karyerasının əvvəllərində üzləşdiyi çətinliklərdən bəhs edib: "Ən azı 5 il məşqdən başqa heç nəyi düşünməmişəm. Dünyadan təcrid olunaraq, idman zalında həyatımı keçirmişəm. Evimi, ailəmi, dostlarımı, yaxınlarımı görmürdüm. Boş vaxtım, demək olar ki, olmurdu. Yalnız məşqlərdə, təlim-məşq toplanışlarında olurdum. Yollarda olurdum, fərqli şəhərlərdə yaşayırdım, döyüşürdüm. Elə olurdu ki, ac qalırdıq, pulumuz, sponsorlarımız yox idi, dəstəksiz qalmışdıq. İlk vaxtlar səni heç kim tanımır. Bu üzdən dəstək olmaq istəyən yox idi. Zaman keçdikcə özümü göstərə bildim, qələbələr qazandım, məni tanımağa başladılar. Bundan sonra sponsorlar da oldu, dəstək də".

İdmançı 10 yaşından məşqlərə başladığını söyləyib: "Güclü olmaq istəyirdim. Gündə 2-3 dəfə məşq edirdim. Çempion olmağı arzulayırdım. Əvvəlcə ölkə daxilində çempion oldum. Sonra dedim ki, Avropa çempionu olacağam. Orada da birinci yeri tutduqdan sonra dünya çempionluğunu hədəflədim. Hazırda 7 qat dünya, 3 qat Avropa çempionuyam. İlk müəllimim ukraynalı Ruslan Krivuşa olub. İlk dəfə zala orada getmişəm. Sonra Niderlanda köçdüm və Denis adlı məşqçi ilə hazırlaşmağa başladım. Demək olar ki, dünyada bir nömrəli məşqçidir. Hazırda onunla müqavilə ilə məşq edirəm. Məni yarışlara hazırlayır. İldə 2-3 dəfə ora gedərək, məşqlərimi davam etdirirəm".

Onun sözlərinə görə, uzun illər ərzində əməkdaşlıq etdiyi "Glory" təşkilatı ilə müqavilə müddəti artıq bitib: "İndi "Onefc" adlı təşkilatla yeni müqavilə imzalamalıyam, hazırda danışıqlar gedir. Yanvar-fevral aylarında döyüşüm olacaq. Amma ilk olaraq təlim-məşq toplanışı üçün Tailanda getməliyəm. Döyüşün dəqiq tarixi orada bəlli olacaq".

Döyüşçü ən çətin rəqibinin adını da açıqlayıb: "Ən çətin döyüşüm niderlandlı Nieki Holzkenə qarşı olub. Çox təcrübəli və güclü idmançı idi. "Glory"də 7 il idi ki, çempionluğu əldən vermirdi. Üç raund döyüşdük, çətinliklə qələbə qazandım. Bu həm də ən yaddaqalan döyüşümdür. Çünki ondan sonra idmanda yollarım açıldı. Çünki çox nüfuzlu idmançı idi. Ona qalib gələndən sonra bir çox böyük təşkilatlar mənimlə müqavilə bağlamaq istədilər. 20 yaşlı Alim Nəbiyevə baxanda görürəm ki, döyüşə, qələbəyə, şan-şöhrətə necə ac olmuşam. Bir ildə 12 döyüş keçirməyə gücüm var idi. Bütün dünyada Alim Nəbiyevin kim olduğunu göstərmək istəyirdim. İndi isə 29 yaşım var. Bir il ərzində 12 döyüş keçirə bilmərəm. Maksimum 5-6 görüşdə iştirak edə bilərəm. Çünki artıq dünyada tanınıram, məqsədimə çatmışam".

A.Nəbiyev artıq idmançılar yetişdirdiyini bildirib. O Gürcüstanda yaşayan azərbaycanlı uşaqlar üçün idman zalı açmağı planlaşdırır: "Uşaq vaxtı tanınmış idmançılara baxaraq, çempion olmaq arzusu ilə yaşayırdım. İndi isə uşaqlar mənə baxıb bu idman növünü sevirlər. Hazırda Gürcüstanda yaşayıram. Burada azərbaycanlı uşaqlar üçün idman klubu açmağı düşünürəm. Çox güclü və potensiallı uşaqlarımız var. Onları hazırlaşdırmaq, dünya arenalarına çıxarmaq istəyirəm. Hər biri dünya şöhrətli idmançılar olsun. Bütün dünya azərbaycanlıların gücünü bilməlidir. Planlarımız çoxdur. 20-yə yaxın perspektivli idmançımız var. Onlar yerli çempionatlarda özlərini doğrultsalar, Niderland, Fransa və digər ölkələrdə döyüşmələri üçün maksimum çalışacağam".

29 yaşlı idmançı gənclərə tövsiyə verib: "Hər kəs qarşısına məqsəd qoymalıdır. Hədəfsiz insan gözləri bağlı rinqə atılan döyüşçü kimidir. Havaya zərbə atmaqla, sadəcə, enerjisini tükədir. Məqsədli olmaq isə hədəfə dəqiq zərbə vurmaqdır".


Sonxeber.az
Telegramda izləyin
Müharibə   Baxılıb: 1375   Tarix: 18 noyabr 2023  

Şikayətiniz varsa Whatsapp: 051 7028255

Facebookda Paylaş


Xidmetler

Oxşar xəbərlər

.

Xocavənddə 2 erməni hərbçinin qalıqları tapıldı

Xocavənd rayonunda 2 erməni hərbçinin qalıqları aşkar olunub. "Sputnik Armenia"ya istinadən xəbər verir ki, hərbçilərin şəxsiyyəti Ermənistanda keçiriləcək məhkəmə-tibbi ekspertizasından sonra müəyyənləşəcək. Bununla da Qarabağ müharibəsi bitdikdən sonra ərazilərdə aparılan axtarış əməliyyatlar

21 avqust 2021
.

Kəlbəcər istiqamətində mövqelərimiz atəşə TUTULDU

İyulun 25-də saat 15:30 radələrində Ermənistan silahlı qüvvələrinin bölmələri Basarkeçər rayonunun Yuxarı Şorca kəndi yaxınlığında yerləşən mövqelərdən Kəlbəcər rayonunun Zəylik kəndi istiqamətindəki Azərbaycan Ordusunun mövqelərini snayper tüfəngi və avtomatlardan fasilələrlə atəşə tutub. Müdafiə Nazirliyini

25 iyul 2021
.

Azərbaycan MN ermənilərin iddialarını təkzib etdi

"Ermənistan mətbuatında Azərbaycan Ordusunun hərbi qulluqçuları tərəfindən sərhədyanı ərazilərdəki otlaq sahələrinin qəsdən yandırılması barədə yayılan məlumatlar bu ölkənin rəsmilərinin növbəti yalanıdır və böhtan xarakteri daşıyır". Bu barədə -a Müdafiə Nazirliyindən bildirilib. "Bi

5 sentyabr 2021
.

Azad olunan ərazilərdə aşkarlanan minaların SAYI

Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə icra olunan əməliyyatlar barədə həftəlik məlumatı təqdim edib. ANAMA-dan -a verilən məlumata görə, iyulun 12-dən 17-dək Tərtər, Ağdam, Füzuli, Şuşa, Qubadlı, Cəbrayıl və Zəngilanda aparılan əməliyyat-axtarış tədbirlər

17 iyul 2021
.

MN: Azad edilmiş ərazilərdə döyüş növbətçiliyi yüksək səviyyədə aparılır - FOTO + VİDEO

Azad edilmiş ərazilərdə dislokasiya olunan Azərbaycan Ordusu bölmələrinin şəxsi heyətinin intensiv döyüş hazırlığı səviyyəsi artırılır. Müdafiə Nazirliyinin mətbuat xidmətindən -a verilən məlumata görə, həmin bölgələrdə, eləcə də yüksək dağlıq ərazilərdəki mövqelərdə yerləşən bölmələrdə günün nizam qaydaların

1 avqust 2021
.

Yaşyarımlıq Zəhra Quliyeva faciəsindən dörd il ötür

Bu gün erməni vandalizminin qurbanı olan balaca Zəhra Quliyeva faciəsindən 4 il ötür. 2017-ci ilin bugünkü tarixində Füzuli rayonunun Alxanlı kənd sakinləri 2016-cı il təvəllüdlü Zəhra və 1967-ci il təvəllüdlü nənəsi Sahibə Quliyeva Ermənistan silahlı qüvvələrinin minaatan və qumbaraatanlardan atəş

4 iyul 2021
.

Şuşa ətrafındakı bölmələrimizə qarşı təxribat törədildi

Avqustun 14-ü axşam saatlarında Rusiya sülhməramlılarının müvəqqəti yerləşdirildiyi Azərbaycan ərazisindəki qanunsuz erməni silahlı dəstələri tərəfindən Şuşa şəhəri ətrafındakı bölmələrimizə qarşı təxribat törədilib. xəbər verir ki, bu barədə Müdafiə Nazirliyinin yaydığı məlumatda deyilir. Belə ki, axşa

15 avqust 2021
.

Ağdam, Xocalı və Xocavənd istiqamətindəki mövqelərimiz atəşə tutuldu

Rusiya sülhməramlılarının müvəqqəti yerləşdirildiyi Azərbaycan ərazisindəki qanunsuz erməni silahlı dəstələri tərəfindən avqustun 21-i saat 23:40-dan etibarən avqustun 22-i saat 00:40-dək Ağdam rayonunun Muğanlı, Xocalı rayonunun Sığnax və Xocavənd rayonunun Tağavard yaşayış məntəqələri istiqamətind

22 avqust 2021
.

Taras Kuzio: "Ermənistanın mina xəritələrini verməməsi beynəlxalq ictimaiyyət tərəfindən qınanmalıdır"

Ermənistanın minalanmış ərazilərin xəritələrini təqdim etməkdən imtina etməsi beynəlxalq ictimaiyyət tərəfindən qınanmalıdır. Bunu Ukrayna Milli Universitetinin "Kiyev-Mogilyan akademiyası"nın britaniyalı professoru Trend-ə bildirib. Onun sözlərinə görə, bu məsələ təcili olaraq BMT, Avrop

6 iyun 2021