14 yaşlı uşaq güllələnməkdən belə xilas oldu

Türkiyənin Hatay şəhərində yerləşən iş yerinə silahlı hücum edilib.

Sonxeber.az xəbər verir ki, hücum zamanı içəridə olan 14 yaşlı uşaq oturacağın arxasında gizlənərək özünü qorumağa çalışıb.

İş yerinin pəncərəsinə 5 güllə dəyib. İş yerinin sahibi hadisəni törədən şəxslə ədavətinin olmadığını bildirib:

"Hadisə dünən saat 13:00 radələrində baş verib. İş yerimi oğluma qoyub dostuma baş çəkdim. 150-200 metr aralıda idim. Silah səslərini eşidəndə hamı kimi mən də çölə qaçdım. Baxdım və gördüm ki, insanlar mənim iş yerimə axışır. Hadisə yerinə gələndə iş yerimin pəncərəsinə 5 güllə dəydiyini gördüm. Oğlumun şok vəziyyətdə çöldə oturduğunu gördüm. Silahlı hücumu həyata keçirən şəxsin daha sonra Y.İ. olduğunu öyrəndim. Mənim bu adamla heç bir düşmənçiliyim yoxdur. Niyə belə etdiyini başa düşmürəm. Uşağım az qala öləcəkdi"

Polis hadisə ilə bağlı araşdırma başladıb.

Telegramda izləyin