"İşığımızı kəsib, bina tikirlər" - MTK ilə sakinlər ÜZ-ÜZƏ - VİDEO

Yasamal rayonu, Seyfəddin Dağlı küçəsində köhnə həyət evləri sökülür, yerinə çoxmərtəbəli bina tikilir. Sözügedən ərazidə yaşayan sakinlər tikinti işlərini həyata keçirən şirkətdən şikayətçidirlər.

Sonxeber.az xəbər verir ki, məsələ ilə bağlı sakinlər "Baku Tv"yə açıqlama verib. Onlar bildiriblər ki, tikinti zamanı işıq, qaz xəttini kəsirlər, həmçinin ətrafa yayılan səslərdən dözülməz vəziyyət yaranır:

"Yaşamağa qoymurlar. Saat səkkizin yarısından başlayırlar, axşama qədər işləyirlər. Danqa-durunq səslər adamın beynini laxladır. Bu ərazini sökürlər, birdəfəlik söksünlər. Bizim də canımız rahat olsun, gedək, başımıza çarə qılaq".

Telegramda izləyin