Hepatit hansı qurumun səhvinə görə yayıldı? NAZİRLİK SUALDAN YAYINDI

Bakı şəhəri, Əmircan və Bülbülə qəsəbəsində Hepatit A xəstəliyinin yayılması ilə bağlı məlumatlar paylaşılır. Deyilənə görə, xəstəliyə səbəb su xəttində yayılan problemdir.

Sonxeber.az xəbər verir ki, "Baku TV" sözügedən iddiaları araşdırmağa çalışıb. Sakinlər bildirib ki, sözügedən ərazilərdə sarılıq xəstəliyi çox yayılıb. Məsələ ilə bağlı "Azərsu" ASC-nin sözçüsü açıqlama verib:

"Suraxan rayonunun Əmircan və Bülbülə qəsəbələrində hepatit xəstəliyinin yayılması ilə bağlı vətəndaşlar tərəfindən iddia olunub ki, guya içməli suda problem var. Amma qeyd etmək istəyirik ki, biz və Gigiyena və Epidemiologiya Mərkəzi tərəfindən, müxtəlif nöqtələrdən su nümunələri götürülüb və yoxlanılıb. Heç bir halda suyun keyfiyyətində kənarlaşmalar müsahidə olunmayıb. Heç bir virus, hepatit aşkarlanmayıb".

Gigiyena və Epidemiologiya Mərkəzinin tabe olduğu Səhiyyə Nazirliyi sözügedən məsələ ilə bağlı "Baku Tv"yə məlumat verib:

"Profilaktik tədbir olaraq su şəbəkəsində qaliq xlorun müvəqqəti yüksəlməsi ilə bağli əmircan və bülbülə qəsəbələrini qidalandiran ramana mərkəzi su anbarinin ərazisində 1 ədəd xlor tərkibli reagent dozalayıcı nasos quraşdirilib. Eyni zamanda Suraxanı rayon Sukanal idarəsinin mütəxəssisləri rayon GEM-in əməkdaşlari ilə birgə fərdi yaşayiş evlərində yerləşən ehtiyat su çənlərinin yuyulub dezinfeksiya edilməsi istiqamətində tədbirlər həyata keçiriblər".

Məsələ ilə bağlı əlavə suallar verilsə də, nazirlik cavablamaqdan imtina edib.

Ətraflı "Baku Tv"nin süjetində:

Telegramda izləyin