"Bu gün bələdiyyələr öz balanslarında olmayan əraziləri satışa çıxarır" - İDDİA

Son zamanlar bələdiyyələrlə bağlı bir çox şikayətlər səslənir. Hətta artıq bələdiyyələrin ləğv edilməsini təklif edilir.

Məsələ ilə bağlı politoloq Turab Rzayev Sonxeber.az-a açıqlama verib.

O bildirib ki, bələdiyyələr heç bir səlahiyyəti olmayan vassal qurumlar olduğunu bildirib:

"Bələdiyyələrlə bağlı çox böyük problemlər var. Bələdiyyələr öz yerində deyil. Ümumiyyətlə bələdiyyələr heç bir səlahiyyəti yoxdur. Əslində bələdiyyələr icra qurumları olmalı idi. Bələdiyyə İcra hakimiyyətinə tabe olan, heç bir səlahiyyəti olmayan vassal qurumlardır. Bələdiyyənin əlində hazırda sadəcə torpaq ticarəti var. Onlar sadəcə torpaq satmaqla məşğuldur. Bu isə bir çox halda qanunsuz yəni, dövlətin, elm-təhsil ocaqlarının, bağçaların, göllərin ərazilərini satışa çıxarırlar . Bir sözlə bələdiyyələr öz balanslarında olmayan əraziləri satırlar. Bütün bunlar isə böyük narazılıqlara səbəb olur. Ola bilsin seçkilərdən sonra bu sahə üzrə müəyyən islahatlar aparılsın. İcra hakimiyyətindən bəzi səlahiyyətlər alınıb bələdiyyələrə verilsin. Bir sözlə belədiyyələr yenidən təşkil edilsin.

İkinci isə ola bilər bələdiyyələr ümumiyyətlə ləğv edilsin. İcra hakimiyyəti institutuna tabe edilə bilər. İnstitutlar artıq işğaldan azad olunmuş ərazilərdə də fəaliyyət göstərir. Bu üsul da tətbiq edilə bilər. Necə Türkiyədə vali sistemi var, bizdə isə prezidentin xüsusi nümayəndələri yaradıla bilər. Bunlar əlbəttə prezident seçkilərindən sonra aydın şəkildə müzakirə olunacaq".

Telegramda izləyin