Putindən açıq şəkildə soruşdular: Bu ərazilərə hücum edəcək?

Rusiya prezidenti Vladimir Putin Ukrayna müharibəsi başlayandan bəri ilk dəfə qərbli jurnalistə danışıb.

Sonxeber.az xarici mənbəyə istinadən xəbər verir ki, Rusiya lideri Putin amerikalı jurnalist Taker Karlsonun suallarını cavablandırıb. Jurnalist Karlson bütün dünyada maraqla gözlənilən müsahibəni internet səhifəsində və sosial media hesablarında paylaşıb.

Rusiya prezidenti Vladimir Putin Moskvada verdiyi müsahibədə Rusiyanın Soyuq Müharibə bitdikdən sonra Qərb tərəfindən "aldandığını" iddia edərək, NATO-nun şərqə doğru genişlənmək üçün beş addım atdığını bildirib:

"Biz bütün bunlara dözdük. Onları inandırmağa çalışırdıq. Deyirdik ki, xahiş edirik bunu etməyin. Biz də indi sizin kimi burjuayıq. Biz bazar iqtisadiyyatıyıq və Kommunist Partiyasının heç bir gücü yoxdur. Gəlin müzakirələr vədanışıqlar aparaq".

Putin amerikalı jurnalistin "Rusiya Polşa və Latviyaya hücum edəcəkmi?" sualını da cavablandırıb:

"Bu ssenari yalnız Polşa Rusiyaya hücum edəcəyi təqdirdə reallaşa bilər. Niyə görə? Çünki bizim nə Polşaya, nə də Latviyaya marağımız yoxdur. Bu bizə niyə lazımdır? Sadəcə təhdidlər var".

Qeyd edək ki, amerikalı jurnalist Taker Karlsonun Rusiya prezidenti Vladimir Putindən müsahibə alacağı barədə açıqlaması müzakirələrə səbəb olmuşdu.

Telegramda izləyin