Azərbaycan Respublikasının Konstitusiyasına dəyişikliklərin edilməsi ilə bağlı seçkilər keçirilə bilər? - AÇIQLAMA

Məlum olduğu kimi, Azərbaycanda keçirilən növbədənkənar prezident seçkilərindən sonra idarəetmə sahələrində keçiriləcək dəyişikliklər aktual mövzu olaraq qalmaqda davam edir. İşğaldan azad edilmiş ərazilərdə Böyük qayıdışa uyğun olaraq bərpa-quruculuq işləri davam edir. Burada maraqlı bir sual yaranır. Azərbaycan Respublikasının Konstitusiyasına dəyişikliklərin və əlavələrin edilməsi ilə bağlı növbədənkənar seçkilərə gedilə bilər?

Məsələ ilə bağlı siyasi şərhçi Asif Nərimanlı Sonxeber.az-a açıqlama verib. O, bildirib ki, Azərbaycan ərazi bütövlüyünü tam bərpa etdikdən sonra, qarşıda yeni bir dövr başlayır. Bu yeni dövrdə xüsusən ölkənin idarəetmə məsələsində bir sıra dəyişikliklər mümkündür:

"Ən əsasıda regional idarəetmələrdə rayon icra hakimiyyətlərində dəyişikliklərin edilməsi təklif edilir. Əsas gözlənti budur ki, prezidentin xüsusi nümayəndəliyi əsasında qurulsun. Qarabağda işğaldan azad edilmiş ərazilərdə bu tətbiq edilir. Təklif edilir ki, bu üsul bütün ölkə üzrə tətbiq edilsin. Bu hələ ki uğurlu variantlardan biridir. Rayon icra hakimiyyətləri fəaliyyəti dövründə müəyyən qədər problemlər çıxıb. Digər tərəfdən regional idarəetmədə öz büdcəsini formalaşdırması ilə bağlı məsələ gündəmə gələ bilər. Dövlət büdcəsinin yükünü azaltmaq üçün hər region özünün həm turizm, həm də digər məsələlər hesabına öz büdcəsini formalaşdıra bilər. Bu modeldə gündəmə gələ bilər və diqqət mərkəzindədir".

Asif Nərimanlının sözlərinə görə, baxımdan konstitusiyayaya ediləcək ən böyük dəyişiklik regional idarəetmə məsələləri ilə bağlı ola bilər:

"Digər tərəfdən ümumi olaraq ciddi bir dəyişikliyə ehtiyac yoxdur. Xüsusən Ermənistanda gündəmə gətirilir ki, Ermənistan konstitusiyalarını dəyişdirirsə, onlarda konstitusiyalarını dəyişdirməlidir. Bu bir absurd iddiadır. Çünki Azərbaycan Konstitusiyasında heç bir başqa bir ölkənin ərazisinə iddia yoxdur və edilmir. Amma Ermənistan Konstitusiyasında konkret iddialar var. Məsələ referendum keçirlərsə və konstitusiyaya dəyişikliklər edilərsə sırf daxili idarəetmə məsələsinə qaynaqlana bilər".

Ekspert qeyd edib ki, Azərbaycanda birinci vitse-prezidentlik institutu yaradılıb. Müəyyən bir işlər görür. Eyni zamanda bunun qanunda, konstitusiyada təsbit edilməsi daxil edilə bilər:

"Bu baxımdan düşünürəm ki, referendumun keçirilməsi istisna deyil. Amma fikrimcə, referendum bu il ərzində keçiriləcək qərar gözləntisi azdır. Çünki bu il ərzində, parlament seçkilərinin keçirilməsi aktualdır. O cümlədən Azərbaycan böyük bir tədbir olan COP-29-a hazırlaşır. Bu da kifayət qədər geniş bir məsələdir. Bu kontekstdə referendumun bu il yox, gələn il keçirilməsi real görünür. Həm yeni parlament formalaşdırıldıqdan, həm də bələdiyyə seçkiləri yenidən qurulduqdan sonra, konstitusiyaya dəyişiklik üzrə yeni bir referenduma gedilə bilər".

Sevda Səfərova

Telegramda izləyin