Rəqəmsal İnkişaf və Nəqliyyat Nazirliyi, "ADY", "AYNA", "AAYDA" ləğv edilərək birləşdirilə BİLƏR? - AÇIQLAMA

Növbədənkənar prezident seçkilərindən sonra kadr və struktur dəyişiklərinin həyata keçiriləcəyi barədə məlumatlar gündəm olmaqda davam edir. 2018-ci ildə keçirilən prezident seçkilərindən bu yana bir-birini təkrar edən qurumlar ləğv edilmiş, bir qurum altında birləşdirilib. Bu baxımdan maraqlandırılan məsələlərdən biri də Rəqəmsal İnkişaf və Nəqliyyat Nazirliyi,
ADY, AYNA, AAYDA kimiqurumların ləğv edilməsidir. Bu qurumlar ləğv edilərək, bir qurum altında fəaliyyət göstərə bilər?

Məsələ ilə bağlı, hüquqşünas, bank məsələləri üzrə ekspert Əkrəm Həsənov Sonxeber.az-a açıqlama verib:

"Bu qurumlar bir yerdə fəaliyyət göstərə bilməz. Nazirlik xüsusuilə tənzimləmələr ilə məşğuldur. Sözügedən qurumlar isə, konkret olaraq özünün sahəsi var. Həmin sahələrdə gedən işlərə nəzarət edirlər. Öz fəaliyyət sahəsi ilə məşğuldurlar. Xüsusilə Dəmir yolları və Avtomobil yolları kimi qurumların kadr hazırlığı var. Ona qalsa AZAL-da var. Onu birləşdirmək olar. Amma ki, fəaliyyət dairələri fərqlidir. Bunların hamısı nəqliyyatın ayrı sahələridir. Bu baxımdan birlikdə fəaliyyət göstərə bilməzlər. Kadr hazırlığı və işçilərin spesifikası başqa olduğundan bir qurum altında birləşdirilə bilməz. Bu baxımdan həmin qurumların yerlərin bir yerdə fəaliyyəti mümkün deyil və müzakirəsi belə olunmur".

Sevda Səfərova

Telegramda izləyin