Mənzillərin bahalaşmasının səbəbi nədir? - AÇIQLAMA

Bakıda mənzillərin qiymətləri bahlaşmaqda davam edir. Bəs mənzillərin bahalaşmasının səbəbi nədir?

Sonxeber.az xəbər verir ki, əmlək məsəslələri üzrə ekspert Ramin Qasımzada bildirib ki, istər köhnə tikililərdə, istərsə də yeni inşa olunan binalarda evlər dəyərindən qat-qat yüksək təklif olunur:

"Nərimaniv rayonunda 1 otaqlı evlər əvvəl 80-100 min arası dəyişirdisə, hazırda bu mənzillər 140 min manat artıqdır. Neftçilər, Xalqlar dostluğu, Əhmədli metro-stansiyasının ətrafında olan yeni tikililərdə 1 otaqlı evlər 90 mindən, 2 və 3 otaqlı evlər isə 120 min manatdan başlayır".

Ekspetin sözlərinə görə hazırda evlərin qiymətlərinin bahalaşmasının səbəbi tələbin təklifi üstələməsidir. Ekspert eyni zamanda mənzili yatırım kimi yanaşanların az olmadığını bildirib:

"Bankların bağlanma məsələsi gündəmə gələndə, insanlar ehtiyatlanır. Hətta banklarda olan vəsaitini çəkir. Mənzil alan şəxs güvənir ki, evin qiyməti davamlı olaraq artır. Eyni zamanda bu evi kiraya verib, hər ay gəlir əldə edə bilir. Müəyyən məbləği olan şəxs, evə ehtiyacı olmasa da o pulunu qorumaq üçün daşınmaz əmlaka yatırı.

Binanın yerləşdiyi ərazi, tikinti matreallarının baha olması qiymətlərə birbaşa təsir edir. Amma real təsirlərlə müqayisədə, süni qiymət artımı özünü daha çox göstərir. Tələb çox təklif isə az olduöundan vəziyyətdən istifadə edənlərin sayı çoxalıb. Hazırda ipotekaya tələb yüksəkdir. Hər il ipotekadan 30 min müştəri yararlanır. Bu da qiymətləri bahalaşdıran əsas amillərdəndir".

Telegramda izləyin