"Dövlət tərəfindən Kamil Zeynallının müdafiəsi lazımca təşkil olunacaq" - Deputatdan AÇIQLAMA

Tanınmış idmançı Kamil Zeynallı Rusiyada saxlanılıb. Kamil Zeynallı Ermənistan tərəfindən beynəlxalq axtarışa verildiyini və onların tələbi ilə saxlanıldığını bildirib. İdmançı Rusiya tərəfindən Ermənistana təhvil veriləcəyini deyib. Bəs Kamil Zeynallı Ermənistana təhvil verilə bilərmi?

Bununla bağlı Sonxeber.az-a danışan deputat Müşfiq Cəfərov bildirib ki, dünən gecə saatlarında vətəninə qayıdan idmançı Azərbaycan vətəndaşı Kamil Zeynallı Rusiyada həbs olunub:

"Əgər Kamil Zeynallı Rusiyada olarkən hər hansı bir qanun pozuntusuna yol versəydi bu başa düşülən hal olardı. Lakin əgər Kamilin 3 il bundan əvvəl paylaşdığı görüntülərə görə həbs olunubsa bu çox absurddur. Çünki Ermənistan məhkəməsinin qəbul etdiyi bu qərar Azərbaycan məhkəmə sistemi tərəfindən də araşdırılacaq və sonra qəbul olunacaq. Hesab edirəm ki, yekun qərar beynəlxalq hüquq və prinsiplərə əsaslanmalıdır.

Digər tərəfdən 44 günlük müharibə zamanı tək Azərbaycan sosial platformalarında paylaşımlar olunmurdu, təbii ki qarşı tərəf daha çox paylaşımlarla gündəmdəydi. Mən özüm xatırlayıram gecə saatlarında erməni sosial şəbəkələrində Gəncənin vurulub yerlə yeksan olunduğu barədə paylaşımlar edilirdi.Cəmi yarım saat sonra Gəncə şəhəri raket atəşinə tutuldu. Həmçinin Azərbaycan Milli Qəhrəmanı Mübariz İbarhimovun nəşi ilə təhqiramiz hərəkətlər edib, bunu da çəkib paylaşan məhz erməni əsilli hərbçilər idi. Düşünürəm ki, dövlətimiz idmançımıza dəstəyini əsgirgəməyəcək və beynəlxalq hüqüqdan irəli gələn müddəalar əsasında Kamil Zeynallının müdafiəsi lazımca təşkil olunacaqdır".

Telegramda izləyin