Uşaqlar arasında yeni virus yayılır: "Virusa yoluxanlar izolyasiya olunmalıdır"

Son zamanlar uşaqlar arasında müşahidə edilən xəstəliklərdən biri "Koksaki" virusudur. Bu xəstəliyin bəzi əlamətləri qızılca və suçiçəyi ilə oxşar olduğundan, bəzən müalicəsi səhv aparılır. Bu da özlüyündə ağır fəsadlar verə bilir.

Virus hava-damcı yolu və çirkli məhsullar vasitəsilə yayılır. Həmin infeksiyaya yoluxan uşaqlar isə karantində qalmalıdırlar.

Sonxeber.az xəbər verir ki, məsələ ilə bağlı "ARB Xəbər"ə açıqlama verib:

" Baş ağrısı, temperaturun yüksəlməsi əsas əlamətlərdir. Uşaq ancaq bu zaman yatmaq istəyir. Daha sonra isə səpgilər müşahidə edilir. Həmin səpgilər ağız içində və ətrafında, əlin içində və ayaq altında və diz bükümlərində, qaşıq nahiyəsində müşahidə edilir. Bu virusa daha çox 3-5 yaşında uşaqlarda rast gəlirik. Belə hallar ilə üzləşdikdə uşaqlar məktəb və bağçadan izolyasiya edilməlidir. Çünki yoluxma qabiliyyəti yüksəkdir. Bu xəstəlik başın tüklü hissəsində olmur. Suçiçəyi isə başın tüklü və bütün bədən nahiyəsində olur".

Həkimlərin sözlərinə görə, müalicənin ilkin mərhələsində antibiotik istifadə edilməməlidir.

Ətraflı "ARB Xəbər"in süjetində:

Telegramda izləyin