40 il sonra Xankəndidə yenidən görüşdülər! MARAQLI DİALOQ - VİDEO

Xankəndidə azərbaycanlı və erməni tanışların təsadüfi görüşü olub. Sonxeber.az xəbər verir ki, "İTV Xəbər Yekun" komandası Xankəndidə olarkən bu görüşün şahidi olub. Onlar bir-birini düz 40 il əvvəl görüblər.

Mişa Qriqoryan Xankəndidə yaşayan ermənilərdən biridir. O, hər səhər mağazanın önündə əyləşib illərdir məşğul olduğu işinə davam edir. Xankəndi sakini olmuş, 34 il əvvəl şəhəri tərk etməyə məcbur qalmış Zakir Həsənov ilə Mişa rast gəlib və onlar tanış çıxıblar. Sonuncu dəfə bir-birini 40 il əvvəl görüblər:

"Hər şey normaldır. Yaşayırıq da! Haradasa 40 ildir mən burada yaşayıram. Artıq qocalırıq".

Zakir Həsənov 34 il əvvələ qədər öz doğma şəhərində aptekdə işləyib. Həmin vaxtlar Mişa Qriqoryan onun çalışdığı aptekə dəfələrlə üz tutub. Zakir Həsənovu görəm kimi isə başlayır keçmişdən danışmağa:

"Mən bilmirən niyə ermənilər hər şeyi qoyub getdi. Hətta ağlamaq istəyirəm. Burada keçmişdə dəmir yolunun olduğu ərazidə bir azərbaycanlı qadın ilə dostluq edirdim. Ermənilər azərbaycanlıları təhdid edirdilər. Bu müharibəni başladanların əllərini kəsmək lazımdır. Biz o vaxt birgə yaxşı yaşayırdıq. Azərbaycanlılardan zərrə qədər zərər görməmişəm".

Mişa Azərbaycanın digər şəhərlərində də olub. Birinci Qarabağ müharibəsinə qədər bu torpaqlarda problem görmədiyini deyir:

"Mən 1982-1983-cü illərdə Bakıda enerji təchizatı binasında olmuşam. Şaiyə yayırdılar ki, guya mənim əlimi kəsiblər. Nəsə olub Erməni xalqı azərbaycanlılar ilə birlikdə yaşaya bilərdi".

Ətraflı "İTV Xəbər Yekun"un süjetində:

Telegramda izləyin