"Azərbaycanda məcburi icbarı təhsil 11 illik olmalıdır"- TƏKLİF

Son zamanlar yeniyetmələrin təhsildən yayındırılıb, erkən evliliyə məcbur etmə hallarının artdığını müşahidə edirik. Belə olduqda Azərbaycanda icbari təhsil 11 ilə qaldırıla bilərmi?
 
Məsələ ilə bağlı təhsil eksperti Kamran Əsadov Sonxeber.az-a açıqlama verib.

Ekspet bildirib ki, məktəbində1.6 milyon şagird təhsil alır:

" Hazırda Azərbaycanda 4432  orta təhsil məktəbində1.6 milyon şagird təhsil alır. Azərbaycan Respublikasının Konstitusiyasındakı təhsil haqqında olan qanuna əsasən ümumi təhsil (1ci sinifdən- 9cu sinfə qədər) icbaridir. Fiziki vəziyyəti normal olan uşaqların məcburi təhsilə cəlb olunurlar. Məktəbə gəlmək qabiliyyəti olmayan uşaqlar isə fərdi təhsilə cəlb olunur. Azərbaycanda bütün uşaqlar təhsilə cəlb olunmalıdır və olunurlar.

Son dövrlər erkən nikah hallarının artmasını müşahidə edirik. 2013-cü ilə qədər UNİCEF hesabatına əsasən  Azərbaycanda hər il iki minə yaxın azyaşlı qızın erkən nikaha cəlb edilməsi ilə bağlı faktlar var idi. Hökumət bu məsəlinin üzəridə ciddi düşdü və bu rəqəm 500-ə qədər azaldı.

İcbari təhsilin daha yuxarı pillələrə qədər qaldırılması məcbur edir. Azərbaycanda hazırda tətbiq edilən 9 illik icbari təhsil sovet dövründən qalan qaydadır. İcbarı təhsil əvvəlki illər 6,7,8  il şəklində olub. 40 ildən çoxdur ki, icbarı təhsil 9 il şəklində qalıb.  Elmin inkişaf etdiyi dövr bu il mütləq şəkildə dəyişmədir. Bu bir çox məsələlərə müsbət təsir göstərə bilər".

K. Əsadov bildirib ki, Azərbaycanda icbarı təhsil 11 illik olmalıdır:

Erkən nikahın təhlükələri var. Eləcə də 9cu sinfi bitirən uşaq əmək bazarına daxil olur. Amma bu şagirdlərin təhsil almaq hüquqları var. Bəzən direktorlar məktəbdə arzu olunmayan, yaxşı oxumayan şagirdləri təhsildən uzaqlaşdırırlar. Nikah yasının  və icbari təhsil müddətinin yuxarı-11ci sinfə qədər qaldırılmasına gətirib çıxara bilər.  2013 cü ildə Təhsilin inkişafı üzrə dövlət strategiyası qəbul olunub. Strategiyanın əsas məqsədlərindən biri də 12 illik təhsil sisteminə keçiddir. Biz 12 illik təhsil sisteminə iki formada keçə bilərik. İlk olaraq hazırlıq mərhələsini təhsilin bir pilləsi olaraq qəbul etməliyik. Bu zaman icbari təhsil yaşı dəyişə bilər. Bu Nazirlər Kabineti tərəfindən hazırlanıb Milli Məclisə təklif edilməlidir.  Azərbaycanda təhsilin icbariliyi artmalıdır. Nəzərə almalıyıq ki, şagirdlərin sayında da azalmalar müşahidə olunur. Eyni zamanda bu hal müəllimlərin sosial vəziyyətinə də müsbət təsir göstərə bilər. Əhalinin gələcəkdə daha savadlı olmasına gətirib çıxarar. Azərbaycanda icbarı təhsil 11 illik olmalıdır".

Telegramda izləyin