Fantastik qiymətə möbil nömrələr satılır - VİDEO

100 min, 25, min, 30 min manat. Fantastik qiymətə nömrələr satılır. Elan saytlarında mobil operatorlara məxsus nömrələr baha qiymətə təklif olunur.

Sonxeber.az xəbər verir ki, "Xəzər Xəbər" həmin nömrələri satanların bir neçəsi ilə əlaqə saxlayıb. 100 min manata nömrə satan şəxs səsinin efirə getməyini istəməsə də, nömrəsinin o qiymətə layiq olduğu üçün belə təklif etdiyini bildirir. Digər nömrə sahibi isə xəstəliyinin müalicəsi ilə əlaqədar pula ehtiyacı olduğu üçün baha aldığı nömrəni, baha da satdığını bildirib. Digər baha qiymətə nömrə satan şəxs isə hətta ödənişin kredit ilə mümkün olduğunu bildirdi:

"Sistemdən çıxış qiyməti 18 min 800 manatdır. Yəni mobil operatorun qoyduğu qiymətin üzərindən alan şəxs öz xeyrini qoyur. Bunu da bazarda təklif edir. Hətta mən 25 min qoymuşam. Kreditlə verirəm. Biz bunu mobil operatordan nağd alırıq. Amma mən bunu daxili kredit ilə 6 aya-1illik bölürəm. Bahalı nömrəyə tələbat çoxdur. Bir nömrə satıldı və 250 min manat pul verdilər.

Keçirilən sorğu əsasında məlum olur ki, bahalı nömrə alan şəxslər ilə bağlı insanların fikri birmənalı deyil.

Qeyd edək ki, ən ucuz nömrənin qiyməti 3 manatdır.

Ətraflı "Xəzər Xəbər"in süjetində:

Telegramda izləyin