Sumqayıtla Abşeronun kəsişməsində: Həkim çağırırsan, gəlmir - VİDEO

Abşeron rayon Saray qəsəbəsi ilə Sumqayıt şəhərinin kəsişməsində yerləşən bu küçənin sakinləri ilin hər fəslində yol problemini yaşamaqdan cana gəlib.

Sonxeber.az xəbər verir ki, sakinlər "APA TV"yə problem ilə bağlı məlumat verib. Sakinlər deyir ki, yayda toz-dumandan, qışda isə palçıqdan bu yollar keçilməz halda olur. Onların sözlərinə görə Sumqayıt şəhər küçələrinin asfaltlanması layihəsində işlərə başlanılsa da, bu küçə aidiyyəti qurumlar tərəfindən unudulub:

"Yolumuz çox bərbaddır. Bu gün hələ hava günəşlidir deyə yolun biabırçı halı görünmür. Yağış vaxtı addım atmaq, tərpənmək mümkün deyil. Xəstələrimiz və yaşlı insanlarımız var. Həmin çağırırsan, həkim gəlmir. Uşaqlar məktəbə gedə bilmirlər. Uşaqların məktəbi Sumqayıtda yerləşir. Bu yolumuz təmir olunmalıdır".

Yolların bərbad vəziyyətdə olması sakinlərin həyatını çətinləşdirir. Vəziyyəti biraz da qəlizləşdirən məsələ isə hansı quruma müraciət edəcəklərini bilməmələridir.

Sumqayıt bələdiyyəsi sakinlərin üzləşdiyi problem ilə bağlı bunları deyib:

Nəzərinizə çatdırmsə istəyirəm ki, Qurd dərəsi ərazisində, 27 nömrəli müntəzəm marşrut xəttinin hərəkət istiqaməti boyunca yolun Sumqayıt şəhərinin ərazisinə düşən hissəsi ötən illərdə dəfələrlə asfaltlanıb. Lakin yoldan istifadə edən ağır tonnajlı nəqliyyat vasitələrinin çoxluğundan sözügedən yolda problemlər yaranıb. Cari ilin aprel may aylarında şəhər ərazisində asfaltlanmaya ehtiyacı olan yollara asfalt örtüyünün çəkilməsi nəzərdə tutulur".

Ətraflı"Apa TV"nin süjetində:

Telegramda izləyin