Altı ay kurs keçən "tibb işçiləri"nə canımızı əmanət edə bilərikmi? - VİDEO

Altı ay yaxud 1 il kurs keçib diplom alırsız və tibb bacısı olursunuz. Sosial şəbəkələrdə bu tip elanlara tez-tez rast gəlinir. Ölkəmizdə fəaliyyət göstərən əksər tədris mərkəzlərində tibb bacısı, əczaçılıq, kosmetoloq yaxud tibbə olan digər ixtisaslar üzrə kurslar keçilir. Dövlət orta-ixtisas məktəblərində tibb bacısı, əczaçı diplomununa yiyələnmək üçün tələbələr 3 il təhsil alır. Azərbaycan Tibb Universitetində isə əczaçı olmaq üçün 5, tibb bacısı olmaq üçün isə 4 il təhsil müddəti nəzərdə tutulur. Bəs necə olur ki, özəl kurslarda qısa müddətdə tibb bacısı yaxud əczaçı bir olmaq olur.

Sonxeber.az xəbər verir ki, sözügedən kurslar ilə "Xəzər Xəbər" əlaqə saxlamağa çalışıb. Lakin onlar suallara cavab verməkdən çəkiniblər. Tibb üzrə elmlər doktoru, səhiyyə eksperti Adil Qeybulla deyir ki, belə kurslara adətən Tibb Universitetinə qəbul ola bilməyənlər, rahat iş tapmaq istəyənlər gedir :

"Tibb bacısı kifayət qədər tibbi bacariqlair və bilikləri olan bir şəxsdir. O, həkimə qədərki yardım və müəyyən prinsipləri həyata keçirir. Biz bunu Türkiyədə görmüşük. Onlar xüsusi vərdişləri 4 il müddətinə öyrənirlər. Ona görə də hesab edirəm ki, bu cür kurslar əhəmiyyətsizdir. Eyni zamanda valideynlər və insanlar bunlara qarşı diqqətli olmalıdır".

Ekspert deyir ki, özəl tibb kurslarını bitirənlər dövlət xəstəxanalarında işlə təmin olunmur. Amma çox vaxt özəl xəstəxanalar bu şəxsləri işə götürürlər.

Ətraflı "Xəzər Xəbər"in süjetində:

Telegramda izləyin