Avtomobillə xəstəxanaya gedənlər parklanma problemi yaşayır: Xəstəxanaların öz işçiləri üçün...

Artıq şəhərin əksər küçələrində ödənişli parklanma yerləri var. Parklanma üçün nəzərdə tutulan belə yerlərə xəstəxanaların ətrafında da götürürük. Öz xəstəsini tibb müəssisəsinə gətirənlər qısa müddətlik həmin yerlərdə dayansalar cərimələnirlər. Xəstəxanaların həyətindəki boş ərazilərə isə girişə icazə yoxdur. Bəs bunun səbəbi nə ilə bağlıdır?

Sonxeber.az xəbər verir ki, məsələ ilə bağlı "ARB Xəbər" sakinlər arasında sorğu keçirib. Verilən cavablardan aydındır ki, bu məsələ ilə bağlı ciddi şikayətlər var.

Milli Məclisin deputatı Fəzail Ağamalı deyir ki, xəstə gətirmiş şəxsə cərimə yazılmamalıdır. Amma bunun başqa bir variantıda var. Avtomobillərin xəstəxanaya buraxılması. Burada söhbət uzun müddətli parklanmadan getmir. Sadəcə xəstəsini müəssisəsinin birbaşa qarşısında düşürtsün yaxud mindirsin. Amma əksər xəstəxanalarda buna icazə verilmir.

Elmi-tədqiqat Pediatriya İnstitutu uşaq xəstəxanasındır. Xəstə körpəsini tibb müəssisəsinə gətirən valideyn onun vəziyyətindən asılı olmayaraq qucağında aparmalıdır. İstər yayın istisində yaxud qışın soyuğunda:

"Qışın soyuğunda uşaqları gətirmişəm. İçəriyə buraxmırlar. Deyirlər ki, guya icazə verilmir".

FHN-nin ictimaiyyətlə əlaqələr idarəsinin əməkdaşı Ehtiram Xəlilov bildirib ki, müəssisə və təşkilatların ərazisində avtomobillərin parklanması ilə bağlı göstərişlərin verilməsi FHN-nin səlahiyyətlərinə aid deyil.

Ətraflı "ARB Xəbər"in süjetində:

Telegramda izləyin