İntihar edən oğlanın anasından ŞOK İDDİA: "Oğlumun ölümündə sevdiyi qızın ailəsinin əli ola bilər"

Status yazıb intihar edən 22 yaşlı oğlanla bağlı bəzi təfərrüatlar orataya çıxıb.

Sonxeber.az xəbər verir ki, ARB televiziyasında yayımlanan "Səni Axtarıram" verilişinə müraciət edən Məhəbbət Məmmədovun anası Şərqiyə Məmmədova iddia edir ki, oğlu öldürülüb:

"Oğlumun öldrülməsində sevdiyi qızın ailəsinin əli ola bilər. Məhəbbət intihar etməyib. Oğlumun ölümündə əmisi oğlanlarının da əli var. Əminə ifadə verəndə deyib ki, mən Məhəbbətlə evlənmək məqsədi ilə deyil elə-belə danışırdım. Eləcə də Əminə ifadəsində bildirib ki, Məhəbbətin məni şantaj etdiyini ailəsinə də deyib. Ailəsi də ona deyib ki, narahat olma, biz özümüz həll edəcəyik".

Verilişə zəng edən Əminənin atası bildirib ki, bu hadisə baş verəndən qızı böyük stress keçirir:

"Qızımla Məhəbbət danışanda o azyaşlı olub. Bu hadisə olandan sonra həyat yoldaşım onların qapısına gedib. Amma mənim həyat yoldaşım Şərqiyyə xanıma oğlunu öldürəni bilirəm deməyib. Sadəcə deyib ki, get düşmənini axtar. Məhəbbəti yaxşı uşaq kimi tanımışam. Anası bir dəfə bizə elçi də gəlib. Həyat yoldaşım deyib ki, qızımın yaşı tamam olmayıb, uşağım oxumaq istəyir. Qızım Şamaxıda oxuyurdu. Nə mən, nə də həyat yoldaşım bu uşaqların yazışdığını və danışdığını bilmirdik. Bu hadisə olandan sonra Məhəbbətlə qızımın danışdığını bilmişik".

Şərqiyə Məmmədova bildirib ki, Əminə və anası bu gün qızıma zəng edib hədələyiblər:

"Qızımı boşanma ilə təhdid ediblər. Biz hər şeyi gözə alıb, verilişə çıxmışıq".

Məhəbbətin bacısı Röya isə bildirib ki, Əminə elədiklərini boynuna almadı:

"Anası və qızı dedi ki, neyləmişiksə yaxşı etmişik".

Telegramda izləyin