Ölkədə qanunsuz silah dövriyyəsinin artımı nə ilə bağlıdır? - AÇIQLAMA

Son vaxtlar ölkədə qanunsuz silah dövriyyəsi ilə bağlı hallarda artım müşahidə olunur. Daxili İşlər Nazirliyinin keçirdiyi əməliyyatlar zamanı bu silahları satan şəxslər saxlanılıb. Eyni zamanda sosial şəbəkələrə diqqət yetirsək, odlu silahların satışı ilə məşğul olan səhifələr az deyil. Ən pisi isə odur ki, gələcəkdə bu silahlar yeniyetmə çağında olan gənclərin əlinə keçir. Bu baxımdan ölkədə qanunsuz silah dövriyyəsinin artımı nə ilə bağlıdır?

Mövzu ilə bağlı "Polisə Dəstək" İctimai Birliyinin sədri, təqaüddə olan polis polkovniki Şəmsəddin Əliyev Sonxeber.az-a açıqlama verib. O, bildirib ki, Daxili İşlər Nazirliyinin silah qaçaqmalçılığına qarşı apardığı mübarizə cəmiyyətin və vətəndaşlarını təmin etmək, ictimai asayişi qorumaqdan ibarətdir:

"Bu müəyyən hesabatda qanunsuz olaraq saxlanılan odlu silahların toplanması və əhalidən yığılması ilə bağlı artım da var. Keçmiş ortaq tempi saxlamaq faktorlarıda var. Silahları sərhəddən gətirmək və Azərbaycana qeyd olunmamış silahların keçirilməsi müəyyən mənada məqsədli xarakter daşısa da, Azərbaycanda belə faktlara çox rast gəlinmir. Dövlət Sərhəd Xidməti mübarizə istiqamətlərini gücləndirir. Hər iki qurum koordinasiyalı şəkildə fəaliyyət göstərirlər. Sahibsiz qalmış odlu silahlar qanunsuz sayıla bilər. Əgər sahibi vəfat edibsə və vərəsənin adına keçməyibsə, həmin silahların evdə saxlanması təhlükə mənbəyi olduğuna görə, əhalidən yığılır. Amma bütün bunların hamısı DİN-nin əhaliyə çağırışından və müraciətindən sonra baş verdi. Ona görə də gələcəkdə baş verə biləcək arzuolunmaz və xüsusi ağır cinayətlərin qarşısının alınması məqsədilə zəruri tədbirlər görülür. Hazırda məndə olan məlumata görə, əhali arasında qanunsuz silahların olması o qədər yüksək səviyyədə deyil. Sahə müvəkkilləri və polis əməkdaşları tullantı kimi atılan silahları müşahidə edir və hesabat tutaraq şöbəyə təhvil verirlər. Bu da həmin statistikaya əlavə edilir".

Telegramda izləyin