Azərbaycanda bəzi bələdiyyələrin aylardır maaş verə bilmədiyi ÜZƏ ÇIXDI

Bəzi bələdiyyələr 2-3 aydır ki, maaş işçilərinə maaş verə bilmir.
Sonxeber.az xəbər verir ki, bunu Milli Məclisin deputatı Tahir Rzayev "Xəzər Xəbər"ə deyib. Millət vəkili bildirir ki, bəzi bələdiyyələr öz büdcələrini kortəbii şəkildə formalaşdırırlar. Hazırda ölkədə 1606 bələdiyyənin fəaliyyət göstərdiyinə diqqət çəkən millət vəkili deyir ki, bu yerli özünüidarəetmə orqanları torpaq və əmlak vergisi toplayırlar. Lakin əksər bələdiyyələr büdcələrinin normal idarə edə bilmədiklərindən maliyyə problemi yaşayırlar:

"Əksər bələdiyyələr bunu edə bilmirlər. Bu gün elə bələdiyyələr var ki, əməkhaqqını verə bilmir. Bu əlbəttə ki, bələdiyyələrin özlərinin problemidir. Qıraq yaranan bir səbəb yaxud problem deyil.

Deputat qeyd edib ki, hər bir bələdiyyə öz büdcəsini formalaşdırmaqda və idarə etməkdə sərbəstdir:

"Bələdiyyələr bir sıra məsələləri nizamlamalıdır. Onlar həmin nizam əsasında özlərinin işini qurmalıdır. Lakin bir çox bələdiyyələr buna əməl edə bilmir. Hamısına bunu şamil etmək olmaz. Bələdiyyələr torpaq və əmlak vergisinə arxayın olmamalıdır. Onlar özlərinin xidmət sahəsini yarada bilərlər. Təsərrüfat sahəsinin yarada bilərlər. Müştərək müqavilələr əsasında sahibkarlar ilə hansısa bir sahənin icra edilməsi də mümkündür. Amma bu kimi işlər bizim bələdiyyələrdə yoxdur ".

Ətraflı "Xəzər Xəbər"in süjetində:

Telegramda izləyin