Aliment ödəməyən şəxsləri hansı CƏZA GÖZLƏYİR? - VİDEO

Ölkədə boşanmalar çoxaldığı kimi, alimentin problemə çevrilməsi hallarıda artır desək yanılmarıq. Aliment təyin edildikdən bir müddət sonra, Ödənməməsi kimi məsələlər ortaya çıxır. Bir çoxları boşandıqdan sonra, alimenti ödəyə bilmir. Bəs görəsən buna səbəb nədir? Aliment ödənmədikdə həmin şəxsi hansı cəzalar gözləyir?

Sonxeber.az xəbər verir ki, məsələ ilə bağlı vəkil Nərmin Zülfüqarlı "Xəzər Xəbər"ə açıqlama verib. O deyir ki, istər nikah dövründə, istərsə də nikahdan sonra aliment təyin oluna bilər. Amma əksər vaxt saxlanma xərcinin ödənilməsi ilə bağlı çətinliklər ortaya çıxır. Nərmin Zülfüqarlı bildirib ki, ailə qanunvericiliyinə görə valideynlər uşaqlarını saxlamağa, onların tərbiyəsi ilə məşğul olmağa və övladların əsas ümumtəhsil almasına, sosial-iqtisadi dəstək göstərməyə borcludurlar:

"Valideynlər arasında uşaqların saxlanma xərclərinin ödənilməsi ilə bağlı razılıq ola bilər. Bu cür razılıq olduğu hallarda onlar arasında saziş bağlanılır. Sazişlə alimentin miqdarı və onun ödənilməsi forması müəyyən edilə bilər. Tərəflər arasında bu cür razılıq olmadığı hallarda alimentin ödənilməsi məhkəmə tərəfindən müəyyən edilir. Alimentin ödənilməsi ilə bağlı məhkəmə qətnaməsinin icra edilməməsi bir sıra hüquqi nəticələrə səbəb olur. İnzibati Xətalar Məcəlləsinə görə, fiziki şəxsin 500 manatdan 1000 manata qədər cəlb olunmasına, onun şəxsiyyəti nəzərə alınmaqla 1 ay müddətində inzibati həbs olunmasına gətirib çıxara bilər".

Vəkilin sözlərinə görə, inzibati yaxud cinayət məsuliyyətinə cəlb edilmiş şəxs cəzasını çəkdikdən sonra, alimentin ödənilməsini davam etdirməlidir. Yəni bu cəzaların çəkilməsi alimentin öhdəliyini aradan qaldırmır.

Ətraflı "Xəzər Xəbər"in süjetində:

Telegramda izləyin

instagramda izləyin